ডিজিটেল ডেস্ক: অযোধ্যাত প্ৰাণ প্ৰতিষ্ঠা কৰা ৰামলালাৰ বয়স পাঁচ বছৰ৷ সৰলাৰ্থত ৰামলালা এতিয়াও শিশু৷ অযোধ্যাৰ ৰাম মন্দিৰৰ মুখ্য পুৰোহিতৰ মতে, ৰামলালা যিহেতু এটি ৫বছৰীয়া শিশু আৰু তেওঁ ভক্তক দৰ্শন দি নিৰন্তৰ ১৮ ঘণ্টাৰ বাবে চাপ ল’ব নোৱাৰে৷ গতিকে শিশু দেৱতাক অলপ বিশ্ৰাম দিবলৈ সিদ্ধান্ত লোৱা হৈছে৷
এই পৰিপ্ৰেক্ষিতত এতিয়াৰে পৰা মন্দিৰৰ দুৱাৰ দুপৰীয়া ১২.৩০ বজাৰ পৰা ১.৩০ বজালৈ বন্ধ থাকিব, যাতে ৰামলালাই অলপ বিশ্ৰাম ল’ব পাৰে। পুৰোহিতৰ যুক্তি হৈছে যে দেৱতা ৰামলালা এটা শিশু আৰু সেয়ে তেওঁক অত্যধিক চাপ দিব নোৱাৰি৷
ৰাম মন্দিৰত প্ৰাণ প্ৰতিষ্ঠা সমাৰোহৰ পাছত ভক্তসকলৰ সঁহাৰিৰ প্ৰতি লক্ষ্য ৰাখি মন্দিৰ ন্যাসে পুৱা ৬ বজাৰ পৰা নিশা ১০ বজালৈ দৰ্শনৰ সময় বৃদ্ধি কৰিছে। ২৩ জানুৱাৰীৰ পৰা পুৱা ৪ বজাত প্ৰায় দুই ঘণ্টা সময় লোৱা ৰীতি-নীতিৰ বাবে৷ তাৰ পাছত পুৱা ৬ বজাৰ পৰা দৰ্শন আৰম্ভ হয় যি নিশা ১০ বজালৈকে চলি থাকে। তাৰ পাছত সন্ধিয়াৰ ৰীতি-নীতিবোৰৰ বাবেও দুঘণ্টা সময় লোৱা হয়৷
অভিষেক অনুষ্ঠানৰ পূৰ্বে দৰ্শনৰ সময় পুৱা ৭ বজাৰ পৰা সন্ধিয়া ৬ বজালৈ আছিল, যাৰ ভিতৰত আছিল দুপৰীয়া ১.৩০ বজাৰ পৰা আবেলি ৩.৩০ বজালৈ দুঘণ্টাৰ বিৰতি।
Continue Reading
