ডিজিটেল ডেস্কঃ 'ৰাৱণ'ৰ পিছত এইবাৰ 'নিগনি'! কংগ্ৰেছ সভাপতি মল্লিকাৰ্জুন খাৰ্গেই পুনৰ প্ৰধানমন্ত্ৰী নৰেন্দ্ৰ মোদীক অতি অশোভনীয়ভাবে আক্ৰমণ কৰিলে।ৰাজস্থানৰ আলোৱাৰত এখন ৰাজহুৱা সভাত দিয়া তেওঁৰ ভাষণক লৈ এতিয়া বিতৰ্কৰ সৃষ্টি হৈছে।
কংগ্ৰেছ সভাপতিগৰাকীয়ে কি কৈছিল? তেওঁ অলপতে অৰুণাচল প্ৰদেশৰ টাৱাঙত চীনৰ সেনাৰ আক্ৰমণৰ কথা উল্লেখ কৰি কেন্দ্ৰক আক্ৰমণ কৰে। খাৰ্গেই কয়"তেওঁ (মোদীয়ে) বাহিৰত সিংহৰ দৰে কথা কয়। কিন্তু ভিতৰৰ পৰা তেওঁ এটা নিগনিহে। আমি দেশৰ সৈতে আছো। কিন্তু চৰকাৰে তথ্যবোৰ লুকুৱাই ৰাখিছে। "বিজেপিক আক্ৰমণ কৰি খাৰ্গেই কয়, " কংগ্ৰেছে দেশৰ স্বাধীনতাৰ বাবে যুঁজ দিছিল। ইন্দিৰা গান্ধী আৰু ৰাজীৱ গান্ধীৰ দৰে নেতাই নিজৰ জীৱন দেশৰ বাবে উৎসর্গ কৰিছিল।
খাৰ্গেৰ মন্তব্যকলৈ সংসদতো তীব্ৰ বাকবিতণ্ডা হয়। । মঙলবাৰে সংসদৰ অধিৱেশন আৰম্ভ হোৱাৰ লগে লগে বিজেপিয়ে খাৰ্গেক তেওঁৰ মন্তব্যৰ বাবে ক্ষমা বিচাৰিবলৈ দাবী জনায়। বাণিজ্য মন্ত্ৰী পীয়ুষ গোৱেলে কয়, "আলোৱাৰত আপত্তিজনক ভাষা ব্যৱহাৰ কৰাৰ বাবে মল্লিকাৰ্জুন খাৰ্গেই ক্ষমা বিচাৰিব লাগে। ইয়াৰ প্ৰত্যুত্তৰত খাৰ্গেই কয়, "আপুনি দেশৰ স্বাধীনতাৰ বাবে যুঁজ দিয়া লোকসকলক ক্ষমা বিচাৰিবলৈ কৈছে নেকি?"
উপ-ৰাষ্ট্ৰপতি তথা ৰাজ্যসভাৰ অধ্যক্ষ জগদীপ ধনখৰে কয়, "দেশৰ ১৩৫ কোটি লোকে আপোনালোকক লক্ষ্য কৰি আছে। সংসদত আমি এটা অতি বেয়া উদাহৰণ স্থাপন কৰি আছো।সেয়ে মানুহৰ সংসদৰ প্ৰতি মোহভঙ্গ হৈছে"।
Continue Reading
