ডিজিটেল ডেস্কঃ এক কৰুণ ঘটনা সংঘটিত হৈছে। ৰন্ধা-বঢ়া কৰি থকাৰ সময়তে চিলিণ্ডাৰত জুই লগাৰ ফলত শেষ হৈ গল এটা পৰিয়াল। ৩টা শিশুকে ধৰি কৰুণ মৃত্যুক সাবটি লয় এহাল পতি-পত্নীয়ে। ৰাজস্থানৰ জয়পুৰত সংঘটিত হৈছে এই কৰুণ ঘটনা।
চিলিণ্ডাৰ বিস্ফোৰণ হোৱাৰ ফলত কোনো বাহিৰলৈ ওলাই আহিব পৰা নাছিল। ফলত জীৱন্তে অগ্নিদগ্ধ হৈ মৰণ কাতৰ চিঞৰ মাৰি মৃত্যুক সাবটি লয় পৰিয়ালটোৱে।
বিশ্বকৰ্মা থানা এলেকাৰ জয়সাল্য গাঁৱত বৃহস্পতিবাৰে পুৱা ৭.৩০ বজাত সংঘটিত হয় এই ঘটনা।
এচিপি অশোক চৌহানে জনোৱা মতে, ঘটনা সন্দৰ্ভত তথ্য লাভ কৰাৰ লগে লগে ৭.৪০ মিনিটত আৰক্ষীৰ দলটো সেই স্থানত উপস্থিত হয়।
অগ্নিনিৰ্বাপক বাহিনীৰ সহায়ত জুই নিয়ন্ত্ৰণ কৰি জ্বলি যোৱা মৃতদেহ বাহিৰলৈ উলিয়াই অনা হয়। দুৰ্ঘটনাত মৃত্যু হয় ৰাজেশ (২৬), পত্নী ৰুবী (২৪), ইছু (৭), দিলখুছ (২) আৰু খুছমণি (৪)ৰ। পৰিয়ালটো মোটিহাৰী (বিহাৰ)ৰ আৰু ইয়াত ভাড়াতীয়াকৈ বাস কৰিছিল।
এচিপিয়ে জনোৱা মতে, চিলিণ্ডাৰৰ ৰেগুলেটৰৰ পেনেলৰ পৰা জুই ওলাইছিল, যাৰ বাবে কোঠাটোত জুই বিয়পি পৰিছিল। ৰাজেশে জুইৰ পৰা হাত সাৰিবলৈ কোঠাটোৰ চুকত বহি আছিল যদিও তেওঁৰো মৃত্যু হ’ল।
Continue Reading
