আঁৰত এলিয়েন! বাৰ্মুডা ত্ৰিভুজৰ দৰেই এই স্থানৰ পৰাও এতিয়ালৈকে ২০ হাজাৰৰো অধিক লোক হৈছে নাইকিয়া !

 অৱশ্যে এতিয়া এই ৰহস্যৰ সমাধান কৰা হৈছে। শেহতীয়াকৈ নিক হাচিংছ নামৰ এজন খনিজ বিশেষজ্ঞই দাবী কৰিছে  যে বাৰ্মুডাত এটা আগ্নেয়শিলা আছে, যিয়ে নেভিগেশ্যনেল সঁজুলিবোৰ অকামিলা কৰি তোলে আৰু জাহাজবোৰ ইয়াৰ ফালে টানি নিয়ে৷ আমেৰিকা যুক্তৰাষ্ট্ৰৰ আলাস্কাতো একে ধৰণৰ ত্ৰিভুজ আছে, যাক বাৰ্মুডা ত্ৰিভুজৰ দৰেই ৰহস্যজনক বুলি গণ্য কৰা হয়৷আলাস্কা ত্ৰিভুজৰ বিষয়ে কোৱা হয় যে এতিয়ালৈকে ইয়াত ২০ হাজাৰৰো অধিক লোক ৰহস্যজনকভাৱে নাইকিয়া হৈছে। তেওঁলোক ক'লৈ গ’ল, এতিয়ালৈকে সেয়া  এক ৰহস্যৰ বিষয়  হৈ আছে। 

অৱশ্যে, এই বিষয়ে সমগ্ৰ বিশ্বতে বিভিন্ন ধৰণৰ  দাবী কৰা হয়। কিছুমান লোকে কয় যে তেওঁলোক হয়তো এলিয়েনৰ দ্বাৰা নাইকিয়া হৈছে, কিয়নো চাৰিওফালৰ অঞ্চলবোৰত প্ৰায়ে এলিয়েনৰ বিমান অৰ্থাৎ ইউএফঅ' দেখা যায় বুলি বহুতে দাবী কৰিছে৷ ডেইলী ষ্টাৰৰ প্ৰতিবেদন অনুসৰি ডিছক’ভাৰী চেনেলৰ এখন তথ্যচিত্ৰই কিছুমান আচৰিত কথা উন্মোচন কৰিছে। এই তথ্যচিত্ৰখনে একাংশ  লোকৰ সাক্ষাৎকাৰ দেখুৱাইছে , যিসকল লোকে আলাস্কা ত্ৰিভুজত ইউএফঅ' দেখা বুলি দাবী কৰে।ৱেছ স্মিথো তেওঁলোকৰ মাজৰে এজন। তেওঁ কয়  যে তেওঁ এই ঠাইত কিছুমান বিমান অতি কম উচ্চতাত উৰি থকা দেখিছিল, যিবোৰ সাধাৰণ বিমানৰ দৰে  নাছিল আৰু একে সময়তে সেইবোৰে কোনো শব্দ কৰা নাছিল৷ কিন্তু  সাধাৰণতে বিমানবোৰে উৰাৰ সময়ত ইমান শব্দ কৰে যে ইয়াৰ শব্দ বহু দূৰলৈ শুনা যায়।