ডিজিটেল ডেস্কঃ অসমত এবিধ জনপ্ৰিয় পাচলি হৈছে জিকা। জিকা অসমৰ বাহিৰেও দেশৰ সকলো প্ৰান্তৰ লোকেই ইয়াক খায়। জিকাক সংস্কৃতত ঝিংগাক, হিন্দীত জিঙলী আৰু বঙালীত ঝিংগা, ঝিকা বুলি কয়। ইয়াক ইংৰাজীত Ridge gourd বুলি কোৱা হয় ।
ইয়াৰ সেউজীয়া গাটোত কেইবাটাও সিৰা থাকে। ইয়াৰ বৈজ্ঞানিক নাম হৈছে Luffa acutangula. ইয়াৰ প্ৰস্তুতি অতি সহজ আৰু সিজিবলৈ সময়ো লয় কম। ইয়াক ভাজি, তৰকাৰী হিচাপে ৰান্ধি খোৱা হয়। জিকা, বিলাহীৰ সৈতে মাছৰ টেঙা জোলৰ সোৱাদ সকলোৰে বৰ প্ৰিয়। দাইলত দিও জিকা খাব পাৰি। জিকাত বহুতো ঔষধি গুণ আছে। জিকাত ভিটামিন-চিৰ উপৰি আছে কার্বোহাইড্রেট, প্রোটিন, ফাইবাৰ আৰু ভিটামিন বি কমপ্লেক্স।
জানো আহক জিকাৰ উপকাৰিতা
১)জিকাই দৃষ্টিশক্তি বৃদ্ধি কৰে।
২)কৌষ্ঠ্য-কাঠিন্যতা দূৰ কৰে।
৩)ছালৰ সতেজতা ধৰি ৰখাত সহায় কৰে।
৪)ৰক্তহীনতা দূৰ কৰে।
৫)শৰীৰৰ উষ্ণতা নিয়ন্ত্ৰণ কৰে।
৬)মধুমেহ ৰোগীৰ বাবে উপকাৰী।
৭)ওজন হ্ৰাসত সহায় কৰে।
৮)লিভাৰক সুস্থ ৰাখে।
৯)ফেটী লিভাৰ, ব্ৰংকাইটিছ আদি ৰোগ হ্ৰাস কৰিবলৈ জিকা খোৱা প্ৰয়োজন।
১০)ৰোগ প্রতিৰোধ ক্ষমতা বঢ়ায়।
১১)কুকুৰীকণা ৰোগীৰ বাবেও জিকা সুপথ্য।
১২)গেছৰ সমস্যা দূৰ কৰে।
গতিকে আপোনাৰ খাদ্য তালিকাত জিকাক স্থান দিয়ক আৰু সুস্বাস্থ্যৱান হৈ থাকক।
Continue Reading
