আপুনি দৈনিক কেইকাপ চাহ গ্ৰহণ কৰে? আপোনাৰো যদি এনেধৰণে চাহ খোৱাৰ অভ্যাস আছে তেন্তে নিশ্চিন্ত হওক

চাহ সেৱনৰ সৈতে স্বাস্থ্য যোগাযোগ-

বিশেষজ্ঞসকলে কয় যে চাহৰ স্বাস্থ্যৰ বাবে বহুতো উপকাৰীতা আছে। তেওঁলোকৰ মতে, যদি প্ৰতিদিনে চাৰি কাপ ক’লা চাহ বা গ্ৰীণ টি সেৱন কৰিব পাৰি, তেন্তে মধুমেহৰ সম্ভাৱনা বহু পৰিমাণে কমি যায়। শেহতীয়াকৈ প্ৰকাশ পাইছে এক অধ্যয়ন। এই সমীক্ষাত বহু লোক জড়িত আছিল। গৱেষক সকলৰ মতে, অধ্যয়নৰ শেষত দেখা গ’ল যে প্ৰতিদিনে চাৰি কাপ চাহ সেৱন কৰা সকলৰ ভিতৰত মধুৰ ৰোগ হোৱাৰ সম্ভাৱনা ১৭ শতাংশ হ্ৰাস পাইছে। যিটো কম কৰিবলৈ সাধাৰণতে ১০ বছৰ সময় লাগে।

বহুতে চাহ খাই দিনটো আৰম্ভ কৰে। বেছিভাগ মানুহক কমেও দুকাপ চাহৰ প্ৰয়োজন হ’ব, সাধাৰণতে ৰাতিপুৱা আৰু দুপৰীয়া এবাৰ। বহুতৰে দিনটোৰ ভিতৰত অসংখ্য বাৰ চাহ খোৱাৰ অভ্যাস আছে। যদি আপোনাৰ এই অভ্যাস আছে, তেন্তে আপুনি নিশ্চিন্ত হ'ব পাৰে। কাৰণ এটা নতুন গৱেষণা পত্ৰত কোৱা হৈছে যে দিনটোত কমেও দুকাপ বা তাতকৈ অধিক চাহ খালে আয়ুস বৃদ্ধি পাব পাৰে। এনালছ অৱ ইণ্টাৰনেল মেডিচিন নামৰ এখন গৱেষণা পত্ৰ প্ৰকাশ পাইছে। গৱেষকসকলে ব্ৰিটেইনৰ বায়’বেংকৰ তথ্য ব্যৱহাৰ কৰিছিল। তাত প্ৰায় পাঁচ লাখ লোকৰ তথ্য ব্যৱহাৰ কৰা হৈছিল। ৪০ৰ পৰা ৬৯ বছৰৰ ভিতৰত বয়সৰ লোকসকল। তেজ, প্ৰস্ৰাৱ, আৰু অন্যান্য শাৰীৰিক পৰীক্ষাৰ তথ্যৰ লগতে তেওঁলোকৰ পূৰ্বৰ খাদ্যাভ্যাস আৰু জীৱনশৈলীৰ বিষয়েও একাধিক তথ্য আছিল। দিনটোত কিমানবাৰ চাহ খোৱা হয় সেয়াও তথ্যত আছিল। তথ্য অনুসৰি সেই লোকসকলৰ ৮৯ শতাংশই মূলতঃ গাখীৰবিহীন ক’লা চাহ বা ক’লা চাহ খায়। ইয়াৰ মূল তথ্য ২০০৬ চনৰ পৰা ২০১০ চনৰ ভিতৰত সংগ্ৰহ কৰা হৈছিল। তাৰ পিছত ১১ বছৰৰ পাছত পুনৰ এটা ‘ফ’ল’-আপ ষ্টাডি’ কৰা হ’ল। গৱেষকসকলে জনোৱা মতে, যিসকলে প্ৰতিদিনে দুবাৰ বা তাতকৈ অধিক ক’লা চাহ সেৱন কৰে তেওঁলোকৰ হৃদযন্ত্ৰৰ ৰোগ, ইস্কেমিক হাৰ্ট ডিজিজ বা ষ্ট্ৰোকৰ ফলত মৃত্যুৰ সম্ভাৱনা কমি যায়।