আপুনি একে খাদ্য কিমান দিন খাব পাৰিব? ২৫ বছৰে একে খাদ্য খাই আছে ভিক্টোৰিয়াই

ডিজিটেল ডেস্কঃ চেলিব্ৰিটিসকলৰ খাদ্যপ্ৰণালী কেনেকুৱা সেয়া জানিবলৈ প্ৰায়ে সাধাৰণ মানুহ ব্যগ্ৰ হৈ থাকে। চেলিব্ৰিটি ডায়েট আৰু ফিটনেছ প্ৰণালীয়ে সাধাৰণ মানুহৰ মাজত যথেষ্ট কৌতূহলৰ সৃষ্টি কৰে। এগৰাকী চেলিব্ৰিটিৰ খাদ্য প্ৰণালীয়ে আপোনাক আচৰিত কৰিব পাৰে। কিংবদন্তী ফুটবল খেলুৱৈ ডেভিদ বেকহামে অলপতে তেওঁৰ পত্নী ভিক্টোৰিয়া বেকহামৰ আহাৰৰ কথা সদৰী কৰিছিল। ডেভিদ বেকহামে কৈছিল যে তেওঁৰ পত্নী ভিক্টোৰিয়াই যোৱা ২৫ বছৰ ধৰি একেটা বস্তুকে খাই আছে। পত্নী যেতিয়া ঘৰত নাথাকে তেতিয়া ডেভিদ বেকহামে প্ৰায়ে তেওঁৰ প্ৰিয় আহাৰসমূহৰ সোৱাদ পূৰাদমে লয়। ডেভিদ বেকহামে মাজে মাজে ষ্টিক আৰু ৱাইন উপভোগ কৰে। অৱশ্যে তেওঁ তেওঁৰ পত্নী ভিক্টোৰিয়া বেকহামৰ সৈতে এই আহাৰ ভাগ বতৰা কৰিব নোৱাৰে কিয়নো ভিক্টোৰিয়াই কেৱল একেটা বস্তুকে সদায় খায়। ডেভিদে কয়, "দুৰ্ভাগ্যবশতঃ, মই এনে এগৰাকী নাৰীৰ সৈতে বিবাহপাশত আৱদ্ধ হৈছো যিয়ে যোৱা ২৫ বছৰ ধৰি একেটা বস্তু খাই আছে।" মই যেতিয়াৰে পৰা ভিক্টোৰিয়াক লগ পাইছো তেতিয়াৰে পৰা তেওঁক কেৱল গ্ৰিল কৰা মাছ, ভাপত সিজোৱা পাচলি খোৱা দেখিছোঁ। কেৱল মাত্ৰ এদিনেই মোৰ পত্নী ভিক্টোৰিয়াই নিজৰ কঠোৰ খাদ্য প্ৰণালী ভংগ কৰিছিল, তেতিয়া তেওঁ গৰ্ভৱতী আছিল। সেইদিনা তেওঁ মোৰ প্লেটত থকা কিবা এটা খাইছিল। মোৰ বাবে সেই দিনটো আশ্বৰ্যকৰ দিন আছিল। সেই দিনটো মোৰ প্ৰিয় সন্ধিয়াবোৰৰ এটা আছিল।" ডেভিদ বেকহামে কোৱা এই কথাটো এতিয়া ভাইৰেল হৈ পৰিছে। উল্লেখ্য যে ডেভিদ বেকহামৰ পত্নীৰ উপৰিও ভিক্টোৰিয়া বেকহামৰ আছে নিজা পৰিচয়। ভিক্টোৰিয়া এগৰাকী প্ৰখ্যাত সংগীতশিল্পী। ১৯৯৪ চনত গঠিত হোৱা জনপ্ৰিয় বেণ্ড স্পাইছ গাৰ্লৰ অন্যতম সক্ৰিয় সদস্য আছিল ভিক্টোৰিয়া। ১৯৯৯ চনত ডেভিড বেকহামৰ সৈতে বিবাহপাশত আৱদ্ধ হৈছিল ভিক্টোৰিয়া। চাৰিটা সন্তানৰ সৈতে তেওঁলোকৰ আছে এখন সুখৰ সংসাৰ। আৰু পঢ়কঃ বিধৱা বোৱাৰীৰ বিয়া ধুমধামেৰে পাতিলে শাহু-শহুৰে; বোৱাৰীৰ কন্যাদান কৰিলে শহুৰেকে