ডিজিটেল ডেস্ক
পৃথিৱীবাসী ইতিমধ্যে বহুকেইখন যুদ্ধৰ সাক্ষী হৈছে৷ আৰু এই যুদ্ধসমূহক অধিক ভয়াৱহ কৰি তুলিছে কিছুমান যুদ্ধত ব্যৱহৃত অস্ত্ৰই৷ প্ৰযুক্তিৰ উন্নতিৰৰ লগে -লগে যুদ্ধৰ ফলত হোৱা ক্ষয়-ক্ষতি বৃদ্ধি পাইছে৷ শেহতীয়াকৈ চৰ্চিত হৈছে তেনে এক বিধ্বংসীকাৰী বোমা ডাৰ্টি বোমাৰ বিষয়ে৷
এই মলিন বোমা হৈছে এক প্ৰকাৰৰ বিস্ফোৰক যিয়ে তেজস্ক্ৰীয় পদাৰ্থ বিক্ষিপ্ত কৰিবলৈ প্ৰচলিত বিস্ফোৰক পদাৰ্থ ব্যৱহাৰ কৰে। মলিন বোমা বনাবলৈ সহজ আৰু ই ব্যয়বহুল নহয়৷
ৰাছিয়াআৰু ইউক্ৰেইনৰ মাজত হোৱা যুদ্ধত এই বোমা ব্যৱহাৰৰ কথা পোহৰলৈ আহিছে৷ দুইখন দেশৰ মাজত অস্থিৰতা বৃদ্ধি কৰিবলৈ এই বোমা ব্যৱহাৰ কৰাৰ কথাও পোহৰলৈ আহিছে৷ প্ৰতিৰক্ষা মন্ত্ৰী ছাৰ্গেই শ্বোইগুৱে তেওঁৰ ব্ৰিটেইনৰ বিৰোধীক উদ্দেশ্যি মন্তব্য কৰে যে যে তেওঁ কিভৰ সম্ভাৱ্য উত্তেজনাক লৈ ডাৰ্টি বোমাৰ ব্যৱহাৰৰ সৈতে জড়িত চিন্তিত। কিন্তু শ্বোইগু বা ৰাছিয়াই তেওঁলোকৰ দাবীৰ সমৰ্থনত কোনো প্ৰমাণ দাখিল কৰা নাই।
আনহাতে বিশ্বশান্তিৰ ধাৰণাক বিকৃত কৰি ইউক্ৰেইনৰ ৰাষ্ট্ৰপতি ভল’ডিমিৰ জেলেনস্কিয়ে মন্তব্য দিয়ে যে বিশ্বই ‘Dirty Bomb’ৰ বাবে সাজু হ’ব লাগে, যিবোৰ প্ৰকৃততে ৰাছিয়াই ব্যৱহাৰ কৰি আছে।
গতানুগতিক পাৰমাণৱিক অস্ত্ৰতকৈ ডাৰ্টি বোমা কিছু পৃথক৷জানিব পৰা মতে, সাধাৰণতে কাকো হত্যা কৰিব পৰাকৈ শক্তিশালী নহয় ডাৰ্টি বোমা। এই বোমা বিস্ফোৰণৰ নিচেই কাষতি থকা লোকৰ মৃত্যু হ’ব পাৰে বা আঘাতপ্ৰাপ্ত হ’ব পাৰে৷কিন্তু পাৰমানৱিক বোমাৰ বিস্ফোৰণৰ তুলনাত এই বোমাৰ বিস্ফোৰণ কিছু দুৰ্বল৷
Continue Reading
