ডিজিটেল ডেস্কঃ আপোনাৰ মনত আছেনে? আপুনি সৰু হৈ থাকোতে অসুস্থ হোৱা সময়ত ডাক্তৰে জিভা উলিয়াই দিবলৈ কৈছিল? আপোনাৰ জিভা চাই ডাক্তৰে কেনেকৈ গম পাইছিল যে আপোনাৰ কি হৈছে? বহু গৱেষণাৰ পৰা দেখা গৈছে যে জিভাৰ ৰং আৰু ইয়াৰ পৰিৱৰ্তনৰ ভিত্তিত ৰোগ ধৰা পেলাব পাৰি আৰু ৰোগটো নিৰ্ণয়ও কৰিব পাৰি।
উদাহৰণস্বৰূপে, যেতিয়াই কাৰোবাৰ জিভাৰ ৰং স্বাভাৱিক ৰঙৰ পৰা সলনি হ’বলৈ আৰম্ভ কৰে তেতিয়া বুজিব যে শৰীৰত কোনো ধৰণৰ ৰোগৰ আক্ৰমণ হৈছে। জিভাৰ ৰঙৰ পৰা কি বুজিব পাৰি জানো আহক।
১) ব্ৰাউন জিভা- কাৰোবাৰ জিভা ব্ৰাউন বা বাদামী হ’লে তাৰ অৰ্থ হ’ল তেওঁলোকে বেছিকৈ চাহ-কফি খায়। ইয়াৰ বাহিৰেও যিসকলে বেছিকৈ ছিগাৰেট বা বিড়ি পান কৰে, তেওঁলোকৰ জিভাখনো বাদামী বা ব্ৰাউন ৰঙৰ হৈ পৰে। এনেকুৱা হোৱাটো শৰীৰৰ বাবে ভাল নহয়। গতিকে এইবোৰ খাদ্য কমাই খোৱাটো ভাল।
২) ক'লা জিভা- কাৰোবাৰ জিভাৰ ৰং যেতিয়া ক'লা হয়, তেতিয়া বুজিব যে ই কোনো গুৰুতৰ ৰোগৰ লক্ষণ। ই কেন্সাৰৰ লক্ষণো হ’ব পাৰে আৰু ইয়াৰ বাহিৰেও ভেঁকুৰৰ সংক্ৰমণ আৰু আলচাৰ হ’লেও জিভা ক’লা হৈ পৰে। যিসকলে বেছি ধূমপান কৰে, তেওঁলোকৰ জিভাও এনে সমস্যাৰ সন্মুখীন হয়।
৩) ৰঙা জিভা- জিভাখন যেতিয়া গুলাপী ৰঙৰ পৰা ৰঙা হয় তেতিয়া তাৰ অৰ্থ হ’ল আপোনাৰ শৰীৰত ভিটামিন বি১২ আৰু ফলিক এচিড বহু পৰিমাণে হ্ৰাস পাইছে।
৪) নীলা জিভা- কাৰোবাৰ জিভাৰ ৰং নীলা বা বেঙুনীয়া হ’লে তাৰ অৰ্থ হ’ল তেওঁৰ হৃদৰোগ হ’ব পাৰে।
৫) হালধীয়া জিভা- কাৰোবাৰ জিভা হালধীয়া হ’লে তাৰ অৰ্থ হ’ল শৰীৰত পুষ্টিকৰ উপাদানৰ অভাৱ। লিভাৰ বা পেটত কোনো সমস্যা হ’লে জিভাত হালধীয়া ৰঙৰ আৱৰণ পৰিবলৈ আৰম্ভ কৰে।
৬) বগা জিভা- জিভাত বগা ৰং আহিলে তাৰ অৰ্থ হ’ল আপুনি মুখখন ভালদৰে চাফা কৰা নাই। ইয়াৰ বাবেই জিভাত বগা মলিৰ তৰপটো জমা হ’বলৈ ধৰে।
Continue Reading
