ডিজিটেল ডেস্কঃ Sunday ho ya monday, roz khao anday' বহুতে এই জনপ্ৰিয় লাইন অনুসৰণ কৰি প্ৰতিদিনে কণী খায়। বহুতৰে ব্ৰেকফাষ্ট প্লেটত এটা কণী থাকে। কিন্তু জানেনে, নকল কণী আজিকালি বজাৰত বহুলভাৱে বিক্ৰী হয়। ছুপাৰ ফুড হোৱাৰ বাবে যিকোনো ঋতুতে কণী খাব পাৰি। কণীত প্ৰচুৰ পৰিমাণে প্ৰটিন, কেলচিয়াম আৰু ওমেগা-৩ থাকে। সেইবাবেই বহুতে কণী খায়। কিন্তু বজাৰত ভুৱা কণী বিক্ৰী কৰি সাধাৰণ মানুহৰ স্বাস্থ্যৰ লগত খেলা কৰি আছে একাংশ অসাধু ব্যৱসায়ীয়ে। ইয়াৰ ফলত স্বাস্থ্যৰ যথেষ্ট ক্ষতি হ’ব পাৰে।
অন্ধ্ৰ প্ৰদেশ আৰু তামিলনাডুত দেশৰ ভিতৰতে সৰ্বাধিক কণী উৎপাদন হয়। কেৱল হায়দৰাবাদত দৈনিক ৭৫ লাখ কণীৰ চাহিদা আছে। কণীৰ চাহিদা বৃদ্ধিৰ বাবে দিনক দিনে বৃদ্ধি পাইছে নকল কণীৰ ব্যৱসায়। গতিকে গ্ৰাহকে কণী কিনাৰ সময়ত সাৱধান হ’ব লাগে। মনত ৰাখিব নকল কণী অধিক চিকচিকিয়া হয়। যেনেকৈ জিলিকি থকা সকলোবোৰ সোণ নহয়, ঠিক তেনেকৈ সকলো জিলিকি থকা কণী প্ৰকৃত কণী নহয়।
প্ৰকৃত আৰু নকল কণী কেনেকৈ চিনি পাব?
ইয়াৰ খোলাত প্লাষ্টিক ব্যৱহাৰ কৰি নকল কণী তৈয়াৰ কৰা হয়। গতিকে জুইৰ ওচৰত নকল কণী ৰাখিলে জ্বলন্ত গোন্ধ ওলাব আৰু আনকি জুয়ো লাগিব পাৰে। লগতে নকল কণী বহুত চিকচিকিয়া আৰু পৰিষ্কাৰ হয়। নকল কণীটোৰ বাহিৰৰ খোলাটো অলপ খৰখৰীয়া হয়। এই জিলিকনি দেখি বহুতে কণী কিনি পেলাই দিয়ে।
প্ৰকৃত কণীৰ ক্ষেত্ৰত হাতেৰে জোকাৰিলে ভিতৰৰ পৰা কোনো শব্দ শুনা নাযায়। কিন্তু নকল কণীটো জোকাৰিলে কিছু শব্দ হ’ব। গতিকে কণী কিনাৰ আগতে গ্ৰাহকে সাৱধান হ’ব লাগিব। কাৰণ এই নকল কণী খালে স্বাস্থ্যৰ ক্ষতি হোৱাৰ আশংকা থাকে।
Continue Reading
