ডিজিটেল ডেস্কঃ ভাৰতীয় মহান বেটছমেন তথা কিংবদন্তী শচীন তেণ্ডুলকাৰৰ পুত্ৰ অৰ্জুন তেণ্ডুলকাৰ বৰ্তমান বাতৰিৰ শিৰোনামত। শেহতীয়াকৈ অৰ্জুন তেণ্ডুলকাৰে শৈশৱৰ বন্ধু ছানিয়া চান্দোকৰ সৈতে বাগ্দান কৰিছে।
অৰ্জুন তেণ্ডুলকাৰে ঘৰুৱা ক্ৰিকেটত গোৱাক প্ৰতিনিধিত্ব কৰে, ইয়াৰ বাহিৰেও তেওঁ আই পি এলত মুম্বাই ইণ্ডিয়ানছৰ অংশ। কোটি কোটি মূল্যৰ সম্পত্তি তেওঁৰ।
ছানিয়া চান্দোকৰ লগত বাগ্দান
শচীন তেণ্ডুলকাৰৰ পুত্ৰ অৰ্জুন তেণ্ডুলকাৰে ১৩ আগষ্টত ২৬ বছৰীয়া ছানিয়া চান্দোকৰ সৈতে বাগ্দান কৰে। ছানিয়া মুম্বাইৰ বিশিষ্ট উদ্যোগী ৰবি ঘাইৰ নাতিনী, ঘাই পৰিয়ালটো আতিথ্য আৰু খাদ্য উদ্যোগৰ সেৱাৰ বাবে বিখ্যাত, তেওঁলোকৰ ইন্টাৰকন্টিনেণ্টেল হোটেল আৰু ব্ৰুকলিন ক্ৰীমেৰীও আছে।
অৰ্জুন তেণ্ডুলকাৰৰ কোটি কোটি টকাৰ সম্পত্তি
২০২১ চনৰ পৰা মুম্বাই ইণ্ডিয়ানছৰ অংশ হিচাপে থকা অৰ্জুন তেণ্ডুলকাৰে চুক্তিৰ পৰা ১ কোটি ৪০ লাখ টকা উপাৰ্জন কৰিবলৈ সক্ষম হৈছে, ২০২১ চনত তেওঁক প্ৰথমবাৰৰ বাবে ৫ বাৰৰ চেম্পিয়ন দলটোৱে ২০ লাখ টকাত নিৰ্বাচিত কৰাৰ বিপৰীতে ২০২৩ চনত তেওঁক মুম্বাই ইণ্ডিয়ানছে ৩০ লাখ টকাত ক্ৰয় কৰিছিল।
আই পি এলৰ বাহিৰেও অৰ্জুনে ঘৰুৱা ক্ৰিকেটত গোৱাৰ হৈ খেলে। এই শ্ৰেষ্ঠ বলাৰগৰাকীয়ে ৰঞ্জি ট্ৰফী, বিজয় হাজাৰে ট্ৰফী আৰু চৈয়দ মুস্তাক আলী টি-২০ প্ৰতিযোগিতাত গোৱাক প্ৰতিনিধিত্ব কৰে। ঘৰুৱা ক্ৰিকেটৰ পৰা অৰ্জুনে বছৰি প্ৰায় ১০ লাখ টকা উপাৰ্জন কৰে, এক প্ৰতিবেদন অনুসৰি, সামগ্ৰিকভাৱে অৰ্জুনৰ সম্পত্তি প্ৰায় ২২ কোটি টকা।
অৰ্জুন তেণ্ডুলকাৰৰ প্ৰদৰ্শন
প্ৰথম শ্ৰেণীৰ ১৭খন মেচত ৩৭টা উইকেট দখল কৰাৰ লগতে ৫৩২ ৰান কৰিবলৈ সক্ষম হৈছে অৰ্জুনে । অৰ্জুনে ২৪খন টি-২০ মেচ খেলিছে, য’ত তেওঁ ২৭টা উইকেট দখল কৰি ১১৯ ৰান সংগ্ৰহ কৰিছে। ১৮খন এদিনীয়া (লিষ্ট এ)ত ২৫টা উইকেট দখল কৰাৰ লগতে ১০২ ৰান সংগ্ৰহ কৰিছে।
Continue Reading
