ডিজিটেল ডেস্কঃ ৰাসায়নিক পদাৰ্থৰে ভৰা প্ৰসাধন সামগ্ৰীৰ সলনি হালধিৰে সৌন্দৰ্য্য চৰ্চাৰ কেইটামান টিপছ
ডিজিটেল ডেস্কঃ ঘৰৰ পিছপিনে অথবা বাৰীৰ চুকত থকা হালধি হাজা৩ৰ হাজাৰ বছৰ ধৰি পপ্ৰাকৃতিক মহৌষধ হিচাবে পৰিগণিত হৈ আহিছে। হালধি বিষ নিবাৰক হোৱাৰ লগতে অম্ল পিত্তকে ধৰি বহু ৰোগ দূৰ কৰাত ই সহায় কৰে। হালধি তেজ পৰিষ্কাৰকো।
ভাৰতীয় মানুহৰ দৈনন্দিন খাদ্যত হালধি সদায় ব্যৱহাৰ হৈ আহিছে। বিবাহকাৰ্য সম্পাদনৰ পূৰ্বে দৰা-কইনাক গা ধুওৱাৰ পৰা বিহুতলৈকে হালধিৰ বহু ব্যৱহাৰ আমাৰ পৰম্পৰাৰ অংশ হিচাবে পৰিগণিত হৈ আহিছে।
১. শুকান ছালৰ সমস্যাঃহালধি ব্যৱহাৰ কৰি শুকান ছালৰ সমস্যাৰ পৰা ৰক্ষা পৰিব পাৰি। সাধাৰণতে ৰ’দৰ তাপ, প্ৰতিকূল বতৰ, চাপ বা বেয়া অভ্যাসৰ বাবে ছাল শুকাই যাব পাৰে। এনে পৰিস্থিতিত আপুনি হালধি ব্যৱহাৰ কৰিব পাৰে। হালধি গুৰি, বেচন, নেমুৰ ৰস আৰু গাখীৰ এচামুচকৈ লৈ প্ৰথমে পে’ষ্ট বনাব। তাৰ পিছত পানীৰে তিয়াই মুখখনত দহ মিনিটৰ বাবে লগাই ৰাখিব। তাৰ পিছত মুখ খন কুহুমীয়া পানীৰে ধুই দিব।হালধি শালমইনা, বয়সৰ চাপ, চকুৰ গুৰি ক’লা পৰা ভাল কৰাৰ বাবে ব্যৱহাৰ কৰিব পাৰি।
২. চকুৰ গুৰি ক’লা পৰা:- চকুৰ গুৰি ক’লা পৰাটো বহুতৰে বাবে এক সাধাৰণ কথা। বহু কাৰণত চকুৰ গুৰি ক'লা পৰিব পাৰে।চকুৰ গুৰি ক'লা পৰিলে এচামুচ হালধি গুৰি অলপ আনাৰসৰ ৰসৰ সৈতে মিলাই দহ মিনিটৰ বাবে চকুৰ গুৰিত লগাই ৰাখিব। পিছত ঠাণ্ডা পানীৰে ধুব।
৩. গোৰোহা ফটা:- বিভিন্ন কাৰণত গোৰোহাত ফাট মেলিব পাৰে। এনে পৰিস্থিতিত চাৰি চামুচ হালধিৰ গুৰিৰ সৈতে নিমপাতৰ মিশ্ৰণ কৰি গোৰোহাত লগাব পাৰে। মিশ্ৰণটো আধা ঘণ্টা সময় লগাই ৰাখি পিছত কুহুমীয়া পানীৰে ধুই দিব।
৪. চুলি সৰা:- আপোনাৰ যদি চুলি সৰিছে তেন্তে হালধিৰ ৰস খাওক। ই আপোনাৰ দেহৰ ৰোগ প্ৰতিৰোধ ক্ষমতাক শক্তিশালী কৰিব আৰু চুলি গজাত সহায় কৰিব।
তাৰোপৰি হালধি গুৰি মৌ আৰু গাখীৰৰ সৈতে মিশ্ৰণ কৰি তালুত লগাব পাৰে। তেতিয়াও চুলি সৰাত উপশম পাব পাৰে।
৫. টোনাৰ:- কেঁচা গাখীৰৰ সৈতে গোলাপ জল আৰু হালধিৰ মিশ্ৰণেৰে আপুনি টোনাৰ ঘৰতে প্ৰস্তুত কৰি ল’ব পাৰে।
নিতৌ পুৱা খালী পেটত হালধিৰ ৰস খালে ছালৰ উজ্জ্বলতা বৃদ্ধি পোৱাৰ লগতে নানান ৰোগৰ পৰাও হাত সাৰি থাকিব পাৰি।
