ডিজিটেল ডেস্কঃ বৰ দুখী আছিল ৰাখী সাৱন্ত! ছলমান খানতো নহয় যে BMW-ৰ দৰে বিলাসী গাড়ীে এখনৰ গৰাকী হ’ব পাৰে। সংবাদ মাধ্যমৰ আগত এনেধৰণৰ মন্তব্য কৰা দেখা গৈছিল ৰাখীক। তেওঁৰ এই মন্তব্যৰ ভিডিঅ' সামাজিক মাধ্যমতো ভাইৰেল হৈ পৰিছিল। ভিডিঅ’ ভাইৰেল হোৱাৰ পাছতে ৰাখীৰ প্ৰাপ্তিযোগ। উপহাৰ হিচাপে ৪০ লাখ টকাৰ এখন BMW X1 গাড়ী লাভ কৰিছে ৰাখীয়ে।
মন কৰিবলগীয়া যে, সামাজিত মাধ্যমতো সক্ৰিয় ৰাখী। নিজৰ জীৱনৰ বিষয়ে নানা ধৰণৰ তথ্য সামাজিক মাধ্যমতে শ্বেয়াৰ কৰে ৰাখীয়ে। এইবাৰো ইয়াৰ ব্যতিক্ৰম নহয়। ৰাখীয়ে BMW X1 গাড়ী লাভ কৰাৰ পাছত চেলিব্ৰেচনৰ এটা ভিডিঅ' পোষ্ট কৰিছিল ৰাখীয়ে। ৪০ লাখ টকাৰ এই উপহাৰৰ বাবে ৰাখীয়ে ধন্যবাদ জ্ঞাপন কৰিছে হেয়াৰ এণ্ড স্কিন স্পেছিয়েলিষ্ট ছেলী লাথেৰ,আদিল খান দুৰানী আৰু ৰাজ ভাইয়া নামৰ এগৰাকী ব্যক্তিক।
বলীউডৰ মিৰ্ছি গাৰ্ল ৰাখী সাৱন্ত। বিভিন্ন কাৰণত তেওঁৰ নাম বাতৰিৰ শিৰোনামত থাকে। বিগত ফেব্ৰুৱাৰী মাহত ৰাখীৰ এটা ভিডিঅ' পোহৰলৈ আহিছিল। BMW গাড়ীৰ শ্বৰূমৰ সন্মুখতে সাংবাদিকৰে মুখামুখী হৈছিল ৰাখী। জনাইছিল যে, তেওঁ ছলমান খান নহয়, সেয়েহে ইমান দামী গাড়ী ক্ৰয় কৰাৰ ক্ষমতা নাই তেওঁৰ। সেইবাবে কেৱল গাড়ীখন চাবলৈকে শ্বৰূমলৈ অহা বুলি জনাইছিল বলীউড অভিনেত্ৰীগৰাকীয়ে। সেই সময়ত অবশ্য ৰাখীয়ে লগতে কৈছিল যে, ‘মই সাধাৰণ মানুহ। অ’টো ৰিক্সাতহে যাতায়ত কৰোঁ। যি এখন গাড়ী আছে তাতে মই সুখী। তথাপি, এনেদৰে শ্বৰূমলৈ গাড়ী চাবলৈ অহাত ক্ষতি নো কি?’
স্বাভাৱিকতে, এনেদৰেই সুখী ৰাখী সাৱন্ত। গাড়ীখন লৈ পুনৰ ৰাজপথলৈ ওলাই যায় ৰাখী। BMW দৰে বিলাসবহুল গাড়ীখন চলাবলৈ পাই ৰাখীৰ যে কিমান আনন্দ!
Continue Reading
