আশ্চৰ্য্যকৰ! হঠাতে অহা এজাক জুই বৰষুণত নিমিষতে ছাঁই হৈ পৰিল এখন গাঁও

ডিজিটেল ডেস্ক : বৰষুণ বুলিলে আমি সকলোৱে জানোহক, তাক নতুনকৈ পৰিচয় কৰাই দিয়াৰ কোনো প্ৰয়োজন নাই। কিন্তু কেতিয়াবা জুইৰ বৰষুণ দেখিছেনে? যুদ্ধৰ সৈতে যুঁজি থকা এখন গাঁৱত তেনে এক আচৰিত ঘটনাই সংঘটিত হৈছে।

সামাজিক মাধ্যমত ভাইৰেল হোৱা এনে এটা ভিডিঅ’ই সকলোকে আচৰিত কৰি তুলিলে। ভিডিঅ’টোত দেখা জুইৰ বৰষুণে এফালৰ পৰা ধ্বংস কৰি দিয়ে এখন গাঁও। হঠাতে অহা জুইৰ বৰষুণৰ ফলত গাঁওখন জ্বলি ছাই হৈ যায়। ঘৰ, দোকান, ৰাস্তা সকলো ঠাইতে আকাশৰ পৰা অহৰহ জুইৰ বৰষুণ পৰিছিল। যাৰ ফলত গাঁওখন নিমিষতে ধ্বংসস্তূপত পৰিণত হৈছিল। জানিব পৰা মতে এই ভিডিঅ’টো ইউক্ৰেনৰ এখন গাঁৱৰ।

জুই বৰষুণৰ এই ভিডিঅ’টো ইউক্ৰেনৰ সাংসদ ৰোমান হৃষচুকে তেওঁৰ টুইটাৰ একাউণ্টত শ্বেয়াৰ কৰিছে। তেওঁৰ অভিযোগ অনুসৰি ৰাছিয়াৰ সেনাই তেওঁলোকৰ ৯এম২২চি অস্ত্ৰ ব্যৱহাৰ কৰি ডনেটস্ক প্ৰদেশৰ ওজাৰ্নেৰ এখন গাঁৱত জুই লগাই গাঁওখন ধ্বংস কৰিব বিচাৰিছে। ৯এম২২চি হৈছে এনে এটা অস্ত্ৰ যাৰ দ্বাৰা জুইৰ বৰষুণ হ’ব পাৰে। এই জুইৰ ফলত গাঁওখনৰ প্ৰতিটো অঞ্চল, প্ৰতিটো ঘৰ বিস্তৰ ক্ষতিৰ সন্মুখীন হোৱা দেখা গৈছিল।