ৰাষ্ট্ৰীয় প্ৰেছ দিৱস: কিয় কেৱল ১৬ নৱেম্বৰতে পালন কৰা হয় ৰাষ্ট্ৰীয় প্ৰেছ দিৱস ? জানক সবিশেষ

এই দিৱস উদযাপনৰ মূল উদ্দেশ্য হৈছে সংবাদ মাধ্যমৰ স্বাধীনতাৰ গুৰুত্ব সম্পৰ্কে সজাগতা বিয়পোৱা। উল্লেখযোগ্য যে এই দিনটোত মত প্ৰকাশৰ স্বাধীনতা বজাই ৰখা আৰু সন্মান কৰাৰ প্ৰতিশ্ৰুতিৰ কথা কোৱা হৈছে। প্ৰথম প্ৰেছ আয়োগে ভাৰতৰ সংবাদ মাধ্যমৰ স্বাধীনতা ৰক্ষা আৰু সাংবাদিকতাৰ উচ্চ আদৰ্শ স্থাপনৰ উদ্দেশ্যেৰে এখন প্ৰেছ পৰিষদৰ কল্পনা কৰিছিল। ফলত ১৯৬৬ চনৰ ৪ জুলাই তাৰিখে ভাৰতীয় প্ৰেছ কাউন্সিল গঠন হয় আৰু ১৯৬৬ চনৰ ১৬ নৱেম্বৰৰ পৰা আনুষ্ঠানিক কাৰ্যক্ষমতা আৰম্ভ হয়। তেতিয়াৰ পৰাই প্ৰতি বছৰে ১৬ নৱেম্বৰ দিনটো ৰাষ্ট্ৰীয় প্ৰেছ দিৱস হিচাপে পালন কৰা হয়। একে সময়তে সংবাদ মাধ্যমৰ স্বাধীনতাৰ গুৰুত্বৰ বিষয়ে বিশ্ববাসীক সতৰ্ক কৰি দি এই দিনটোৱে কয় যে গণতন্ত্ৰৰ মূল্যবোধক সুৰক্ষা আৰু পুনৰুদ্ধাৰত সংবাদ মাধ্যমে গুৰুত্বপূৰ্ণ ভূমিকা পালন কৰে।

ভাৰতীয় প্ৰেছ কাউন্সিলে গেট কিপিং হিচাপে কাম কৰে। ই নিশ্চিত কৰে যে ভাৰতীয় সাংবাদিকসকল যাতে কোনো প্ৰভাৱ বা বাহ্যিক কাৰকৰ দ্বাৰা অনুপ্ৰাণিত নহয় আৰু কোনো ভয় নোহোৱাকৈ মুক্তভাৱে কাম কৰে। ১৯৬৬ চনৰ ৪ জুলাইত ভাৰতত প্ৰতিষ্ঠা কৰা প্ৰেছ কাউন্সিলৰ কাম আৰম্ভ হয় ১৯৬৬ চনৰ ১৬ নৱেম্বৰৰ পৰা। সেই দিনটোৰ পৰা প্ৰতি বছৰে ১৬ নৱেম্বৰ দিনটো ৰাষ্ট্ৰীয় প্ৰেছ দিৱস হিচাপে পালন কৰা হয়।