ডিজিটেল ডেস্কঃ বাইক ষ্টণ্ট কৰাৰ ফলত দেশত প্ৰায় প্ৰতিদিনেই নৱ প্ৰজন্মৰ বহুতে মৃত্যুক সাৱটি ল’বলগীয়া হৈছে। শেহতীয়াকৈ বান্ধৱীৰ সন্মুখত নিজৰ বীৰত্ব প্ৰদৰ্শন কৰিবলৈ গৈ মৃত্যুক সাৱটিলে এজন উঠি অহা যুৱকে। এক্টিভা চলাই থকাৰ সময়তে যুৱকজনে চিগাৰেট এটা জ্বলাবলৈ লৈছিল। তেতিয়াই সংঘটিত হয় ভয়ংকৰ দুৰ্ঘটনা।
যুৱক জনৰ বাহনখনে ডিভাইডাৰত প্ৰচণ্ড জোৰেৰে খুন্দা মাৰে। ফলত থিতাতে নিহত হয় যুৱক জন। আনহাতে গুৰুতৰ ভাবে আহত হয় যুৱক জনৰ সৈতে এক্টিভা খনত একেলগে উঠি যোৱা তেওঁৰবান্ধৱীগৰাকী। ঘটনাটো ঘটিছে ইন্দোৰত ।যোৱা নিশা ইন্দোৰত সংঘটিত হয় এই দুৰ্ঘটনাত।জানিব পৰা মতে যোৱা নিশা যুৱক জনে এগৰাকী যুৱতীৰ সৈতে ফুৰিবলৈ ওলাই গৈছিল।
এখন হাতেৰে চিগাৰেট জ্বলোৱাৰ সময়ত তেওঁৰ এক্টিভা খনে নিয়ন্ত্ৰণ হেৰুৱাই পেলায়। ফলত গাড়ীখনে ডিভাইডাৰত খুন্দামাৰে। বিজয়নগৰ আৰক্ষীয়ে লগে লগে ঘটনাস্থলীত উপস্থিত হৈ যুৱক-যুৱতীহালক উদ্ধাৰ কৰি চিকিৎসালয়লৈ নিয়ে যদিও যুৱক জনৰ মৃত্যু ঘটে।
বিজয়নগৰ আৰক্ষীয়ে জনোৱা অনুসৰি ঘটনাটো ভাণ্ডাৰী চিকিৎসালয়ৰ ওচৰত সংঘটিত হৈছিল। নিহত যুৱক জনক মহম্মদ চেলিমৰ পুত্ৰ মহম্মদ ৱাকাৰ (২২) বুলি চিনাক্ত কৰা হৈছে। তেওঁৰ ঘৰ ইন্দোৰৰ উদাপুৰাত। তেওঁৰ সৈতে থকা যুৱতী কাজলৰ আঘাতো গুৰুতৰ বুলি জানিব পৰা গৈছে।
Continue Reading
