ডিজিটেল ডেস্কঃ দেশৰ গণতন্ত্ৰ সংকটৰ গৰাহত। এনে ধৰণাই এতিয়া কৰিছে বিৰোধী দলসমূহে। শেহতীয়াকৈ ৰাহুল গান্ধীৰ সাংসদ পদ কৰ্তন কৰাৰ বিষয়টোকলৈ বিৰোধী শিবিৰত তুমুল প্ৰতিক্ৰিয়া হৈছে। এনে সময়তে পশ্চিম বংগৰ মুখ্যমন্ত্ৰী মমতা বেনাৰ্জীয়ে সোমবাৰে ৰাষ্ট্ৰপতি দ্ৰৌপদী মুৰ্মুক দেশৰ "সংবিধান সুৰক্ষিত" কৰিবলৈ আৰু ইয়াক "দুৰ্যোগ"ৰ পৰা ৰক্ষা কৰিবলৈ অনুৰোধ জনায়।
সোমবাৰে পশ্চিম বংগলৈ দুদিনীয়া ভ্ৰমণৰ বাবে কলকাতাত উপস্থিত হোৱা মুৰ্মুৰ বাবে আয়োজিত নাগৰিক অভ্যৰ্থনা অনুষ্ঠানত বেনাৰ্জীয়ে কয় "ৰাষ্ট্ৰপতি মহোদয়, আপুনি এই দেশৰ সাংবিধানিক মুৰব্বী। মই আপোনাক এই দেশৰ দৰিদ্ৰ লোকসকলৰ সংবিধান আৰু সাংবিধানিক অধিকাৰ সুৰক্ষিত কৰিবলৈ অনুৰোধ কৰিম। আমি আপোনাক ইয়াক দুৰ্যোগৰ পৰা ৰক্ষা কৰিবলৈ অনুৰোধ কৰিম,"
তৃণমূল কংগ্ৰেছৰ (টিএমচি) নেত্ৰীগৰাকীয়ে ৰাষ্ট্ৰপতিগৰাকীক এগৰাকী "স্বৰ্ণ নাৰী" বুলি প্ৰশংসা কৰে ।
মমতাই লগতে কয়, "সকলো ডাঙৰ সংস্কাৰ বংগৰ পৰা আহিছে আৰু স্বাধীনতা আন্দোলনও বংগৰ পৰা হৈছিল ।"
যোৱা সপ্তাহৰ আৰম্ভণিতে মানহানিৰ গোচৰত দোষী সাব্যস্ত হোৱাৰ পিছত লোকসভাৰ পৰা অযোগ্য ঘোষণা কৰা ৰাহুল গান্ধীৰ নাম নোলোৱাকৈ মমতাই কয় যে দেশখনে সাংবিধানিক গণতন্ত্ৰত "নতুন প্ৰত্যাহ্বান" প্ৰত্যক্ষ কৰিছে।বিৰোধী নেতাসকলক তেওঁলোকৰ ভাষণৰ বাবে অযোগ্য ঘোষণা কৰা হৈছে।
মমতাই কয় "প্ৰধানমন্ত্ৰী মোদীৰ নতুন ভাৰতত বিৰোধী নেতাসকল বিজেপিৰ প্ৰধান লক্ষ্য হৈ পৰিছে! যদিও অপৰাধমূলক কামত লিপ্ত বিজেপি নেতাসকলক মন্ত্ৰীসভাত অন্তৰ্ভুক্ত কৰা হয়, বিৰোধী নেতাসকলক তেওঁলোকৰ ভাষণৰ বাবে অযোগ্য ঘোষণা কৰা হয়," ।
Continue Reading
