ৰাষ্ট্ৰসংঘৰ বৃহৎ সকীয়নি ভাৰতত হ’ব পাৰে ভয়াৱহ খাদ্য সংকট

ডিজিটেল ডেস্ক : ৰাষ্ট্ৰসংঘই ভাৰত সন্দৰ্ভত সকীয়াই দি কয় যে যদিহে গোলকীয় উষ্ণতা বৃদ্ধি নিয়ন্ত্ৰিত নহয়, তেন্তে দেশত ভয়াৱহ খাদ্য সংকটৰ সৃষ্টি হ’ব পাৰে। ৰাষ্ট্ৰসংঘৰ বিশেষজ্ঞৰ এটা পেনেলে সকীয়াই দিছে যে গোলকীয় উষ্ণতাৰ বাবে ভাৰতৰ খাদ্য উৎপাদন ব্যাপক হ্ৰাস হ’ব পাৰে। ৰাষ্ট্ৰসংঘৰ সচিবপ্ৰধান এণ্টনিঅ’ গুটেৰেছে কয়, ‘জি-২০ক উষ্ণতা ১.৫ ডিগ্ৰী চেণ্টিগ্ৰেডলৈ সীমিত কৰাৰ বাবে এক চুক্তিত উপনীত হ’বলৈ আহ্বান জনায়’। 

ধানৰ উৎপাদন ১০-৩০ শতাংশপৰ্যন্ত হ্ৰাস পাব পাৰে-

জলবায়ু পৰিৱৰ্তন সম্পৰ্কীয় আন্তঃৰাষ্ট্ৰীয় চৰকাৰী পেনেলে এক প্ৰতিবেদনত কয় যে ভাৰতত তাপমাত্ৰা ১ৰ পৰা ৪ ডিগ্ৰী চেণ্টিগ্ৰেড বৃদ্ধি পালে ১০-৩০ শতাংশ ধানৰ উৎপাদন হ্ৰাস পাব পাৰে। একে সময়তে কুঁহিয়াৰৰ উৎপাদন ২৫ৰ পৰা ৭০ শতাংশ হ্ৰাস পাব পাৰে।

 সচিবপ্ৰধান এণ্টনিঅ’ গুটেৰেছে লগতে কয় যে ২০২৫ চনৰ ভিতৰত পানীৰ চাহিদা ৩০-৪০ শতাংশ বৃদ্ধি পাব পাৰে। জলবায়ু পৰিৱৰ্তনে সমগ্ৰ বিশ্বৰ মানুহক বিপজ্জনকভাৱে প্ৰভাৱিত কৰিছে। প্ৰতিবেদনত উল্লেখ কৰা হৈছে যে দক্ষিণ এছিয়াৰ শস্য উৎপাদনৰ ক্ষেত্ৰত ভাৰতে আটাইতকৈ দুৰ্বল দেশ হিচাপে আত্মপ্ৰকাশ কৰিছে। ইয়াত উল্লেখ কৰা হৈছে যে ২০১০ চনৰ তুলনাত ২০৫০ চনৰ আশে-পাশে দক্ষিণ এছিয়াত জলসিঞ্চন, উদ্যোগ আৰু পৰিয়ালৰ দৰে খণ্ডত পানীৰ চাহিদা ৩০ৰ পৰা ৪০ শতাংশ বৃদ্ধি পাব। উল্লেখ্য যে জনসংখ্যা বৃদ্ধি আৰু জলবায়ু পৰিৱৰ্তনৰ দৰে কাৰকৰ বাবে ভাৰত আৰু চীনত পানীৰ অভাৱ হোৱাৰ লগতে ভাৰতৰ দৰে জনসংখ্যাবহুল ৰাষ্ট্ৰত তীব্ৰ খাদ্য সংকটে দেখা দিব পাৰে।