ডিজিটেল ডেস্কঃ কোভিডৰ নতুন প্ৰজাতিয়ে ত্ৰাসৰ সৃষ্টি কৰাৰ সময়তে ভাৰতত নাকেৰে ল’ব পৰা কোভিড ভেকছিনৰ ব্যৱহাৰ আৰম্ভ হৈছে৷ কৰোনা যুদ্ধত দেশৰ বাবে নাকেৰে ল’ব পৰা ভেকছিন আন এটা সঁজুলি হ’ব বুলি ধাৰণা কৰা হৈছে। ভাৰত বায়োটেকৰ দ্বাৰা বিকশিত কৰা হৈছে এই নাকেৰে ল’ব পৰা ভেকছিন।
যোৱা সপ্তাহত স্বাস্থ্য মন্ত্ৰালয়ৰ দ্বাৰা এই ভেকছিন অনুমোদিত হৈছিল। কেন্দ্ৰই আজি ইয়াৰ মূল্য নিৰ্ধাৰণ কৰিছে। জানিব পৰা মতে ইয়াৰ বাবে ব্যয় হ'ব জিএছটিসহ ১,০০০ টকা । দুজন মানুহে এটা ভাইলৰ পৰা পালি স’ব পাৰিব। মূলতঃ, ইয়াক বুষ্টাৰ পালি হিচাপে ব্যৱহাৰ কৰিব পাৰি। শুক্ৰবাৰে ভাৰত বায়োটেকৰ নাকেৰে ল’ব পৰা স্প্ৰে 'ইনকোভাক' পালি হিচাপে অনুমোদিত হোৱাৰ পিছৰে পৰা সাধাৰণ মানুহৰ মনত প্ৰশ্ন আছিল, বেজীবিহীন এই ভেকছিনৰ মূল্য কিমান হ'ব?
স্বাস্থ্য মন্ত্ৰালয়ৰ সূত্ৰ অনুসৰি এই ভেকছিনটোৱে ওমাইক্ৰনৰ দৰে প্ৰকাৰৰ আধিপত্য প্ৰতিহত কৰিবলৈ সক্ষম হ’ব। বুষ্টাৰ পালি দিয়াৰ প্ৰক্ৰিয়াটো কোউইন ৱেবছাইটৰ জৰিয়তে উপলব্ধ হ'ব। দুটা নাকেৰে চাৰি টোপালকৈ মুঠ আঠ টোপালৰ দৰৱক পালি হিচাবে গণ্য কৰা হ'ব। তেনে ক্ষেত্ৰত এই আঠটা টোপালৰ মূল্য ১,০০০ টকা হ'ব।
টিকাকৰণ কেন্দ্ৰবোৰলৈ ভেকছিন যোগান ধৰাৰ পিছত ৰাইজে বুষ্টাৰ পালি হিচাপে নাকৰ স্প্ৰে লাভ কৰিব। বেছিভাগ লোকে বেজী বা বিষৰ ভয় নোহোৱাকৈ এই ভেকছিন গ্ৰহণ কৰিব পাৰিব। স্বাস্থ্য বিশেষজ্ঞসকলে শেহতীয়া পৰিস্থিতিৰ সৈতে মোকাবিলা কৰিবলৈ বুষ্টাৰ পালি গ্ৰহণ কৰিবলৈ পৰামৰ্শ দিছে।
Continue Reading
