ডিজিটেল ডেস্ক : যদি আপুনিও শীতকালত
ভ্ৰমণৰ পৰিকল্পনা কৰিছে, তেন্তে আজি আমি আপোনাক ভাৰতত পোৱা এনে ৫টা গৰম পানীৰ উঁহৰ
বিষয়ে ক’ম, য’ত শীতকালত পানী গৰম হৈ থাকে আৰু এই কুণ্ড পৰ্যটকৰ মাজত অতি জনপ্ৰিয়।
এই কুণ্ডসমূহৰ সন্দৰ্ভত সাধাৰণ মানুহৰ মাজত বিভিন্ন বিশ্বাস প্ৰচলিত যদিও এই পৰিঘটনা কোনো অলৌকিকতা নহয়। পৃথিৱীৰ পৰা কিছুমান বিশেষ স্থানত গৰম পানী নিৰ্গত হোৱাৰ ভৌগোলিক কাৰণ আছে আৰু এই গৰম পানীৰ উঁহ সমগ্ৰ বিশ্বতে পোৱা যায়। ভাৰতত পোৱা এনে ৫টা গৰম পানীৰ উঁহৰ বিষয়ে জানো আহক।
১. টপোবনঃ-উত্তৰাখণ্ডত অৱস্থিত টপোবন গৰম পানীৰ উঁহৰ বাবে বিখ্যাত। বিশ্বাস কৰা হয় যে এই কুণ্ডৰ পৰা সকলো সময়তে গৰম পানী ওলাই থাকে। এই গাঁওখন যোশিমঠৰ পৰা ১৪ কিলোমিটাৰ দূৰত। বহুতে এই কুণ্ডক পৱিত্ৰ বুলি গণ্য কৰে।
২. মণিকৰণঃ-হিমাচল প্ৰদেশৰ ঐতিহাসিক মণিকৰ্ণাৰ সমীপত অৱস্থিত এই গৰম পানীৰ উঁহ। এই ঠাইখন পৰ্যটকৰ মাজত অতি জনপ্ৰিয়। এই কুণ্ডৰ পানী ঠাণ্ডা শীতকালতো উষ্ণ হৈ থাকে। এই কুণ্ডৰ লগত বহুতো ধৰ্মীয় বিশ্বাস জড়িত হৈ আছে।
৩. বশিষ্ঠ কুণ্ডঃ-হিমাচলত আন এটা গৰম পানীৰ কুণ্ড অৱস্থিত, যিটো বশিষ্ঠ কুণ্ড নামেৰে জনাজাত। এই কুণ্ডটোও অতি জনপ্ৰিয় আৰু শীতকালত ইয়াত দৰ্শনৰ বাবে বহু পৰ্যটক আহে।
৪. অত্ৰি কুণ্ডঃ-ওড়িশাৰ অত্ৰি কুণ্ড গৰম পানীৰ বাবে বিখ্যাত। এই কুণ্ড ভুৱনেশ্বৰৰ পৰা প্ৰায় ৪০ কিলোমিটাৰ দূৰত্বত অৱস্থিত। শীতকালতো এই কুণ্ডৰ পানীৰ উষ্ণতা প্ৰায় ৫৫ ডিগ্ৰী হৈ থাকে বুলি বিশ্বাস কৰা হয়।
৫. খীৰ গংগাঃ-হিমাচল প্ৰদেশৰ বিখ্যাত গৰম পানীৰ উঁহ। ইয়াৰ পানী ১২মাহে গৰম হৈ থাকে। এই ঠাইখন হিমাচল প্ৰদেশৰ কুল্লুৰ আখৰা বজাৰত অৱস্থিত।
Continue Reading
