ডিজিটেল ডেস্কঃগেৰুৱা বিকিনি পিন্ধি 'পাঠান' ছবিত দীপিকা পাডুকনে শ্বাহৰুখ খানৰ সৈতে যি উদ্দাম নৃত্য কৰিছে তাকে চাই বহুতে এতিয়া গৰম হৈ উঠিছে৷ গীতটিত গেৰুৱা বিকিনি পিন্ধি অশ্লীল নৃত্য কৰাৰ অভিযোগ কৰি হিন্দুত্ববাদী সংগঠন সমূহে ছবি খন নিষিদ্ধ কৰাৰ দাবী জনাইছে৷ আনকি অযোধ্যাৰ সাধুসকলৰ একাংশয়ো ছবি খন নিষিদ্ধ কৰাৰ দাবী তুলিছে৷
এজন সাধুৱে আনকি শ্বাহৰুখ খানক জীৱন্তে জ্বলাই দিয়াৰো ভাবুকি দিছে৷ এইবাৰ 'পাঠান' ছবি খনৰ বিৰোধিতা কৰি অযোধ্যাত জীৱিত অৱস্থাতে শ্বাহৰুখ খানৰ তিলনি পতা হ’ল৷ তিলনি পতাসকলৰ অভিযোগ শ্বাহৰুখ খানৰ 'পাঠান' অশ্লীল! অযোধ্যাত শ্বাহৰুখৰ তিলনি পতাত আগভাগ লয় আছকেশী ছবানীৰ সাধুসকলে৷ তেওঁলোকক নেতৃত্ব দিয়ে পৰমহংস আচাৰ্যই ৷ পৰমহংস আচাৰ্যই আনকি শ্বাহৰুখ খানক জীৱিত অৱস্থাতে জ্বলাই দিয়াৰো ভাবুকি দিছিল। এইবাৰ শ্বাহৰুখৰ তিলনি পতাত পৰমহংস আচাৰ্যই নেতৃত্ব দিয়ে।তেওঁ কয় "এনেদৰেই মই জিহাদ সমাপ্ত কৰিব বিচাৰিছো। ''
শেহতীয়াকৈ, উলেমা বোৰ্ডৰ সভাপতিয়েও এক সৰ্বভাৰতীয় সংবাদ মাধ্যমক কয় , "শ্বাহৰুখৰ ছবিখনে মুছলমানসকলৰ ধৰ্মীয় অনুভূতিক আঘাত কৰিব পাৰে। ব্যৱস্থা কৰা উচিত যাতে ছবিখন কেৱল মধ্য প্ৰদেশতে নহয়, সমগ্ৰ দেশতে মুক্তি দিয়া নহয়।"মধ্য প্ৰদেশৰ বিজেপি নেতা নৰোত্তম মিশ্ৰাই 'পাঠান' চলচ্চিত্ৰখনৰ কেইবাটাও দৃশ্যকলৈ আপত্তি কৰিছিল। তেওঁ টুইট কৰে, "পাঠান চলচ্চিত্ৰখনৰ কেইবাটাও দৃশ্য অশালীন। যদি এই দৃশ্যবোৰ বাতিল কৰা নহয়, ছবিখন মধ্য প্ৰদেশত মুক্তি দিয়া নহ'ব। । "ছ'চিয়েল মিডিয়াতো ইতিমধ্যে 'বয়কট পাঠান' ট্ৰেণ্ডিং চলি আছে।
Continue Reading
