--°C
Loading...
Listen to Article
2 min read
80%
ডিজিটেল ডেস্কঃ কেলেংকাৰীৰ অভিযোগ উঠিছে উত্তৰাখণ্ডৰ কেদাৰনাথ মন্দিৰ সমিতিৰ বিষয়াসকলৰ বিৰুদ্ধে। এজন জ্যেষ্ঠ পুৰোহিতে মন্দিৰৰ গৰ্ভগৃহৰ ভিতৰত সোণৰ আৱৰণৰ ব্যৱস্থা কৰাৰ নামত ১২৫ কোটি টকাৰ কেলেংকাৰিৰ অভিযোগ উত্থাপন কৰিছে।

অভিযোগকাৰী পুৰোহিত সন্তোষ ত্ৰিবেদী চাৰধাম মহাপঞ্চায়তৰ উপ-সভাপতিও। তেওঁ অভিযোগ কৰে যে গৰ্ভগৃহৰ ভিতৰত স্থাপন কৰা সোণৰ প্লেটবোৰ সোণ নহয়, দৰাচলতে পিতলৰেহে নিৰ্মিত। যোৱা বছৰ কেদাৰনাথৰ গৰ্ভগৃহৰ দেৱালবোৰত থকা ৰূপৰ ফলকবোৰৰ ঠাইত মুম্বাইৰ এজন নাম প্ৰকাশত অনিচ্ছুক ব্যৱসায়ীয়ে দান কৰা সোণৰ ফলকেৰে প্ৰতিস্থাপন কৰা হৈছিল।

উত্তৰাখণ্ডৰ ৰাজ্য চৰকাৰে ব্যৱসায়ীজনৰ মন্দিৰলৈ ২৩০ কেজি সোণ দানৰ প্ৰস্তাৱত অনুমোদন জনায়। ব্যৱসায়ীজনে কয় যে কেদাৰনাথ গৰ্ভগৃহৰ দেৱাল সোণেৰে আবৃত হোৱাটো তেওঁৰ “দীৰ্ঘদিনীয়া ইচ্ছা”।

স্থানীয় একাংশ পুৰোহিতে অৱশ্যে এই পদক্ষেপৰ বিৰোধিতা কৰে। তেওঁলোকে দাবী কৰিছিল যে সোণ হৈছে সম্পদ আৰু ই সাংসাৰিক সুখৰ প্ৰতীক। যিটো এই মন্দিৰৰ প্ৰাচীন মূল্যবোধৰ বিৰোধী। কাৰণ, এই মন্দিৰ ভৌতিক জগতৰ পৰা বিচ্ছিন্নতাৰ প্ৰতীক।

কিন্তু অৱশেষত মন্দিৰৰ গৰ্ভগৃহৰ দেৱালবোৰ সোণেৰে আবৃত হৈ পৰিল। এনে পৰিপ্ৰেক্ষিতত মন্দিৰৰ পুৰোহিত ত্ৰিবেদীয়ে ভিডিঅ’ বাৰ্তাযোগে অভিযোগ কৰে যে, ‘কেইমাহমান পূৰ্বে মন্দিৰৰ গৰ্ভগৃহত সোণৰ ঢাকনিৰ কাম সম্পূৰ্ণ হৈছিল। কিন্তু, আজি ভিতৰলৈ যাওঁতে দেখিলো সোণখিনি পিতললৈ পৰিণত হৈছে। সোণৰ পৰীক্ষা কিয় নহ’ল? ইয়াৰ বাবে কোন দায়ী? সোণৰ নামত কেদাৰনাথত সংঘটিত হৈছে ১২৫ কোটি টকাৰ কেলেংকাৰী। ভক্তসকলৰ আৱেগৰ বিৰুদ্ধে ই এক প্ৰৱঞ্চনা।”

ভিডিঅ’টো শ্বেয়াৰ কৰি সমাজবাদী পাৰ্টিৰ সভাপতি অখিলেশ যাদৱে কয় যে এই অভিযোগ অতি গুৰুতৰ। অখিলেশে টুইট কৰি কয়, ‘’কেদাৰনাথ মন্দিৰত সোণৰ প্লেটৰ সলনি পিতলৰ প্লেট ব্যৱহাৰ কৰাৰ অভিযোগ অপৰাধৰ লগতে বিশ্বাসৰ সৈতে খেলাৰ দৰে অতি স্পৰ্শকাতৰ বিষয়। এই ষড়যন্ত্ৰৰ সৰ্বোচ্চ পৰ্যায়ত তদন্ত কৰি মিছাৰ আৱৰণ আঁতৰাই পেলাব লাগে।‘’

শ্ৰীবদ্ৰীনাথ-কেদাৰনাথ মন্দিৰ সমিতিয়ে অৱশ্যে এই অভিযোগ অস্বীকাৰ কৰে। সমিতিখনে কয় যে, “দাতাজনে কেদাৰনাথ মন্দিৰৰ গৰ্ভগৃহ সোণেৰে আবৃত কৰাৰ ইচ্ছা প্ৰকাশ কৰে।” দাতাৰ আৱেগক সন্মান জনাই মন্দিৰ সমিতিৰ ব’ৰ্ডৰ বৈঠকত প্ৰস্তাৱটো পৰীক্ষা কৰা হয়। আৰু, তেতিয়াহে সোণৰ প্লেটিংৰ অনুমতি দিয়া হৈছিল। বদ্ৰীনাথ-কেদাৰনাথ মন্দিৰ সমিতি আইন, ১৯৩৯ৰ অধীনত এই অনুদান গ্ৰহণ কৰা হয়। ৰাজ্য চৰকাৰৰ পৰা অনুমতি লোৱা হৈছিল। ভাৰতৰ পুৰাতত্ত্ব বিভাগৰ বিশেষজ্ঞৰ তত্বাৱধানত মন্দিৰত সোণৰ প্ৰলেপ দিয়া হৈছে।‘’

FOLLOW US F
POPULAR
FEATURE
TRENDY
জাপানত প্ৰধানমন্ত্ৰী মোদীয়ে লাভ কৰিলে গাৰ্ড অৱ অনাৰ ;আপুনি জানেনে ইয়াৰ অৰ্থ কি ?
অভিনৱৰ পিছত অন্য এজন অসম সন্তানৰ অভিলেখ, কমনৱেলথ ভাৰোত্তোলনত বেদব্ৰতৰ স্বর্ণ
দেশৰ আটাইতকৈ কর্মদক্ষ মুখ্যমন্ত্রী ড° হিমন্ত বিশ্ব শর্মা ; ইণ্ডিয়া টুডে-চি ভোটাৰৰ 'মুড অব দ্য নেশ্যন' সমীক্ষা
ভোগেশ্বৰ বৰুৱা ৰাষ্ট্ৰীয় ক্রীড়া বঁটাৰ ট্ৰফী উন্মোচন
অসম চৰকাৰৰ উদ্যোগত অসমৰ প্ৰাক্তন মুখ্যমন্ত্ৰী গোলাপ বৰবৰাৰ জন্ম শতবাৰ্ষিকী অনুষ্ঠান
যৌতুকৰ বাবে মহিলাৰ মৃত্যু! ওলমি থকা অৱস্থাত উদ্ধাৰ সন্তানসম্ভৱা ইঞ্জিনীয়াৰৰ শৱদেহ
পৰকীয়া প্ৰেম! বিবাহিতা মহিলাৰ মুখত বিস্ফোৰক পাউডাৰ ঢালি দি হত্যা কৰিলে প্ৰেমিকে
হানীট্ৰেপিঙৰ চিকাৰ প্ৰতিষ্ঠিত সুৰা ব্যৱসায়ী! ৫ পৃষ্ঠাৰ ছুইচাইড নোট লিখি চৰম পন্থা গ্ৰহণ
৩১ আগষ্টত জিনপিঙৰে দ্বিপাক্ষিক বৈঠক প্রধানমন্ত্রী মোদীৰ
নির্বাচনী ডংকা বজাবলৈ আহিল অমিত শ্বাহ
আই এম এফৰ কাৰ্যবাহী সঞ্চালক হিচাপে নিযুক্তি আৰ বি আইৰ প্ৰাক্তন গৱৰ্ণৰ উৰ্জিত পেটেলক
ভাৰতীয় দম্পতীক তিনিটাকৈ সন্তান জন্ম দিয়াৰ আহ্বান
যৌতুকৰ বাবে মহিলাৰ মৃত্যু! ওলমি থকা অৱস্থাত উদ্ধাৰ সন্তানসম্ভৱা ইঞ্জিনীয়াৰৰ শৱদেহ
অসম চৰকাৰৰ উদ্যোগত অসমৰ প্ৰাক্তন মুখ্যমন্ত্ৰী গোলাপ বৰবৰাৰ জন্ম শতবাৰ্ষিকী অনুষ্ঠান