ডিজিটেল ডেস্কঃ আইৰিছ লেখক পল লিঞ্চে ২০২৩ চনৰ বুকাৰ বঁটা লাভ কৰিছে। তেওঁ তেওঁৰ উপন্যাস প্ৰফেট চঙৰ বাবে এই বঁটা লাভ কৰে। ৪৬ বছৰীয়া পল লিঞ্চৰ সৈতে আন পাঁচগৰাকী লেখকক তালিকাভুক্ত কৰা হৈছিল।
পল লিঞ্চ হৈছে বুকাৰ বঁটা লাভ কৰা পঞ্চমগৰাকী আইৰিছ লেখক। চলমান ৰুশ্দী, মাৰ্গাৰেট এটউড আৰু হিলাৰী মেণ্টেলে পূৰ্বে এই বঁটা লাভ কৰিছিল।
লিঞ্চে কয় "এই কিতাপখন লিখাটো বৰ সহজ নাছিল,"। এই বছৰৰ বুকাৰ বঁটাত আছে ৫০,০০০ইউৰো । লিঞ্চৰ কিতাপখনে অনাগত দিনবোৰত ডাবলিনত কেনে পৰিবেশ হ'ব সেয়া বৰ্ণনা কৰিছে। গ্ৰন্থখনত এগৰাকী মাতৃৰ কাহিনীয়ে ঠাই পাইছে৷ তেওঁ কিদৰে তেওঁৰ চাৰিটা সন্তানক স্বৈৰাচাৰী চৰকাৰৰ পৰা বচাব বিচাৰে সেয়া গ্ৰন্থ খনত ফুটাই তোলা হৈছে। লিঞ্চে কয় "যেতিয়া মই এই কিতাপখন লিখি আছিলোঁ, মোৰ বিবেকে মোক বাৰে বাৰে কৈছিল যে মই এইখন লিখি মোৰ কেৰিয়াৰ নষ্ট কৰি আছোঁ। মই তথাপি কিতাপখন লিখা বন্ধ কৰিব নোৱাৰিলোঁ। মই জানিছিলো যে মই ইয়াক যিকোনো পৰিস্থিতিতে লিখিবই লাগিব। '
কিতাপখনত সামাজিক আৰু ৰাজনৈতিক উত্থান পতনৰ কথাও প্ৰতিফলিত হৈছে।
Continue Reading
