ডিজিটেল ডেস্কঃ ভাৰতীয় টেনিছ তাৰকা ছানিয়া মিৰ্জা আৰু পাকিস্তানী ক্ৰিকেটাৰ শ্বোৱেইব মালিকৰ বিবাহৰ ১২ বছৰ পিছত এই দম্পতীৰ মাজত ডাঙৰ বিভাজন ঘটিছে। দুয়োজনৰে সোনকালে বিবাহ বিচ্ছেদ হ’ব পাৰে বুলি কোৱা হৈছে যদিও বহু সংবাদ মাধ্যমত দাবী কৰা হৈছে যে শ্বোৱেইব আৰু ছানিয়া আইনগতভাৱে পৃথক হৈ আছে আৰু কিছুমান আইনী সমস্যাৰ বাবে বিবাহ বিচ্ছেদৰ কথা ঘোষণা কৰা নাই।
ছানিয়া আৰু শ্বোৱেইবৰ সম্পৰ্কত ফাঁট মেলাৰ আঁৰত এগৰাকী পাকিস্তানী মডেল আছে বুলি সন্দেহ কৰা হৈছে। সংবাদ মাধ্যমৰ খবৰ অনুসৰি বিবাহিত হোৱাৰ পাছতো শ্বোৱেইব মালিকে পাকিস্তানী মডেলগৰাকীৰ লগত ডেটিং কৰি আছিল আৰু যেতিয়া তেওঁৰ পত্নী ভাৰতীয় টেনিছ আইকন ছানিয়া মিৰ্জাই এই বিষয়ে গম পালে তেতিয়া শ্বোৱেইবৰ পৰা পৃথক হোৱাৰ সিদ্ধান্ত লয়। পাকিস্তানী মডেলগৰাকীৰ নাম আয়েছা ওমৰ। বহু পাকিস্তানী নাটকতো তেওঁক দেখা গৈছে।
আগতেও এবাৰ আয়েছাই স্পষ্ট কৰি দিছে যে তেওঁ আৰু শ্বোয়েইব কেৱল ভাল বন্ধু,আন একো নহয়। আকৌ এবাৰ শ্বোৱেইব-ছানিয়াৰ বিবাহ বিচ্ছেদৰ খবৰ ওলোৱাৰ সময়ত অনুৰাগীয়ে আয়েছাক এই বিষয়ে প্ৰশ্ন কৰে। বিবাহ বিচ্ছেদৰ পাছত শ্বোৱেইবক আয়েশাই বিয়া কৰাব নেকি বুলি সোধাত অভিনেত্ৰীগৰাকীয়ে তেওঁৰ বক্তব্য দিয়ে।
আয়েশা ওমৰে ক'লে- ''নাই একেবাৰে নহয়। শ্বোয়েইব ছানিয়াৰ স্বামী, দুয়ো সুখী আৰু মই তেওঁলোকৰ সম্পৰ্কক সন্মান কৰো। মই আৰু শ্বোয়েইব ইজনে সিজনৰ ভাল বন্ধু আৰু শুভাকাংক্ষী। আমি ইজনে সিজনক বহুত সন্মান কৰো। এনে সম্পৰ্কও এই পৃথিৱীত গঢ় লৈ উঠে, কেৱল প্ৰেম আৰু বিবাহ সকলো নহয়।''
Continue Reading
