ডিজিটেল ডেস্কঃ অৱশেষত ভাৰতীয় দলৰ বেটছমেনসকল বিফল বৰ্থ হ’ল । শুভমান গিল মাত্ৰ ১৩ ৰাণত ,শিখৰ ধাৱান ২৮ ৰাণত আউট হোৱাৰ পিছতে যেন নিউজিলেণ্ডৰ বিৰুদ্ধে ভাৰতে খেলা শৃংখলাত পৰাজয়ৰ বাট মুকলি হৈছিল। ভাৰত বনাম নিউজিলেণ্ডৰ তৃতীয় মেচ বৰষুণৰ বাবে বাতিল কৰা হয় ।ফলত নিশ্চিত পৰাজয়ৰ মুখামুখি হ’বলগীয়া হয় ভাৰত।
বৰষুণৰ বাবে গোটেই শৃংখলাটো খেলা সম্ভৱ হোৱা নাছিল। নিউজিলেণ্ডে শৃংখলাটোত ১-০ত আগবাঢ়ি আছিল। বুধবাৰে খেলখন বাতিল হোৱাৰ পিছত কেন উইলিয়ামছনৰ দলে শৃংখলাটো অৱধাৰিতভাবে জিকিবলৈ সক্ষম হয়। ঋষভ পন্ত চাৰি নম্বৰত ক্ৰীজত নামি বিফল হয় । তেওঁ মাত্ৰ ১০ ৰাণহে সংগ্ৰহ কৰিবলৈ সক্ষম হয়। ভাৰতীয় দলটোৱে দুজন অপেনাৰ হেৰুওৱাৰ পিছতে যেন অলপ বিচলিত হৈ পৰিছিল। পণ্টে সেই সময়ত অধিক দায়িত্ব লোৱাৰ প্ৰয়োজন আছিল।
টি-২০ বিশ্বকাপত ৰাণ সংগ্ৰহ কৰা সূৰ্যকুমাৰ যাদৱেও কিৱিৰ বিৰুদ্ধে সঠিত তাল মিলাব নোৱাৰিলে। তেওঁ মাত্ৰ ৬ ৰাণত আউট হয়। দীপক হুডাই ১২ ৰাণ সংগ্ৰহ কৰে। শেষত সুন্দৰে ৫১ ৰাণ সংগ্ৰহ কৰি দলটোক কিছু সাহ দিয়ে। আৰ্শদীপে ৯ ৰাণ সংগ্ৰহ কৰে।
কেন উইলিয়ামছনৰ দলৰ হৈ এডাম মিলনে ভাৰতীয় বেটছমেনসকলক প্ৰথমৰে পৰাই চাপত ৰাখিবলৈ সক্ষম হৈছিল। তেওঁ অতি সহজে শুভমানক ড্ৰেছিং ৰুমলৈ ঘূৰাই পঠিয়াবলৈ সক্ষম হৈছিল। ভাৰতৰ দুয়োগৰাকী অপেনাৰেই মিলানৰ আক্ৰমণৰ বলি হ’বলগীয়া হ’ল।। তেওঁ সূৰ্যকুমাৰৰ উইকেটো লয়।
Continue Reading
