ডিজিটেল ডেস্কঃ লক্ষ্ণৌৰ জ্যেষ্ঠ অধিবক্তা তথা অল ইণ্ডিয়া মুছলিম পাৰ্চনেল ল ব’ৰ্ডৰ সম্পাদক জাফাৰিয়াব জিলানীৰ বুধবাৰে পুৱা দেহাৱসান ঘটে। জানিব পৰা মতে লক্ষ্ণৌত তেওঁৰ মৃত্যু হয়, দীৰ্ঘদিন মূৰত আঘাত পোৱাৰ পিছত বহু সমস্যাৰ সৈতে যুঁজি আছিল জাফাৰিয়াব জিলানীয়ে।
অযোধ্যাৰ ৰাম জন্মভূমি গোচৰত বাবৰি মছজিদ একচন কমিটিৰ পক্ষ দাখিল কৰিছিল জ্যেষ্ঠ অধিবক্তা জিলানীয়ে। এই গোচৰত তেওঁ বাবৰি মছজিদ একচন কমিটীৰ হৈ ওকালতি কৰিছিল। অৱশ্যে ইয়াৰ পূৰ্বে তেওঁ উত্তৰ প্ৰদেশৰ অতিৰিক্ত এডিজি হিচাপেও কাৰ্যনিৰ্বাহ কৰিছিল।
যদিহে সূত্ৰ বিশ্বাস কৰিব লাগে তেন্তে ২০২১ চনৰ মে’ মাহত অধিবক্তা জিলানীৰ মূৰত আঘাতপ্ৰাপ্ত হৈছিল। তেওঁৰ মূৰত গুৰুতৰভাৱে আঘাত পোৱাৰ পিছত মেডান্টা হাস্পতালত চিকিৎসাধীন হৈ আছিল। অৱশ্যে সেই সময়ত তেওঁৰ অৱস্থা সংকটজনক বুলি কোৱা হৈছিল, তাৰ পিছত তেওঁক আই চি ইউত ৰখা হৈছিল।
অৱশ্যে চিকিৎসকৰ মতে, মূৰত আঘাত পোৱাৰ পিছত তেওঁৰ মগজুত তেজ জমা হোৱাৰ লগতে তেওঁৰ মগজুৰ ৰক্তক্ষৰণো হৈছিল। কিন্তু সফল অস্ত্ৰোপচাৰৰ পিছত তেওঁৰ তেজৰ গোটটো আঁতৰাব পৰা গ’ল। ইয়াৰ পিছত তেওঁ কিছুদিন সুস্থ হৈ উঠিছিল। ৯০ৰ দশকৰ পৰা অহৰহ বাতৰিৰ শিৰোনাম দখল কৰি আহিছে জিলানী।
তেওঁ উচ্চতম ন্যায়ালয়ত অযোধ্যা গোচৰত মুছলমান পক্ষ উত্থাপন কৰিছিল। উচ্চতম ন্যায়ালয়ৰ এই সিদ্ধান্তৰ পিছতে জাফাৰিয়াব জিলানীক বাবৰি মছজিদ একচন কমিটীৰ অধ্যক্ষ নিযুক্তি দিয়া হয়। কিন্তু বিগত দুবছৰ ধৰি অসুস্থ হৈ থকাৰ পাছত বুধবাৰে লক্ষ্ণৌত তেওঁৰ মৃত্যু হয়।
বুধবাৰে লক্ষ্ণৌৰ নিশাতগঞ্জৰ চিকিৎসালয়ত শেষ নিশ্বাস ত্যাগ কৰে জিলানীয়ে। তেওঁৰ মৃত্যুত শোক প্ৰকাশ কৰিছে মুছলমান ধৰ্মগুৰুসকলে।
Continue Reading
