ডিজিটেল ডেস্ক
সন্তানৰ আনুষ্ঠানিক শিক্ষাৰ নামত আজিৰ যুগত অভিভাৱক সকলে বহু ধন ব্যয় কৰে৷ একে সময়তে ধনৰ অভাৱত বহু শিশু বঞ্চিত হয় উচ্চশিক্ষাৰ পৰা । কিন্তু এই সকলোৰে মাজত উদাহৰণ হৈ পৰিছে
কেৰালাৰ এগৰাকী দ্বাদশ শ্ৰেণীৰ শিক্ষাৰ্থী ৷ শিক্ষাৰ্থী গৰাকীৰ নাম বিনীশা৷ দ্বাদশ শ্ৰেণীৰ এইগৰাকী শিক্ষাৰ্থীয়ে শিক্ষা অব্যাহত ৰখাৰ লগতে বিদ্যালয় শেষ হোৱাৰ পিছত বাদাম বিক্ৰী কৰে।
বিনীশা কেৰেলাৰ চেৰথালাৰ নিৱাসী। তেওঁৰ পৰিয়ালটো আৰ্থিকভাৱে কিছু দুৰ্বল ৷ বিনীশাৰ পিতৃ এজন শ্ৰমিক৷ তেনেই সাধাৰণ উপাৰ্জনৰে বিনীশাৰ পিতৃয়ে বিদ্যালয়ৰ খৰচসমূহ বহন কৰাটো কিছু অসুবিধাজনক হৈ পৰে৷ গতিকে পিতৃৰ কষ্ট বুজি নিজৰ শিক্ষাৰ বাবে প্ৰয়োজনীয় ধন আহৰণ কৰিবলৈ বিনীশাই স্কুল ছুটী হোৱাৰ পিছত চিনাবাদাম বিক্ৰী কৰিবলৈ লয়।
বিনীশাৰ ভনীয়েকৰ বিয়াৰ বাবে তাইৰ পৰিয়ালটোৱে ঋণ লৈছিল। বৃহৎ ঋণত থকাৰ বাবে বিনীশাই চিনাবাদাম বিক্ৰী কৰাৰ সিদ্ধান্ত লৈছিল। বিনীশাৰ মাকেও চিনাবাদাম বিক্ৰী কৰিছিল। কিন্তু ভৰিৰ বিষ আৰু অসুস্থতাৰ বাবে, বিনীশাই মাকৰ ঠাইত নিজে চিনাবাদাম বিক্ৰী কৰিবলৈ আৰম্ভ কৰে। বিনীশাই পঢ়া-শুনাৰ অব্যাহত ৰখাৰ লগতে নিজ ঘৰটো চলাবলৈ তেওঁৰ দেউতাকক সহায় কৰিবলৈ এই দায়িত্ব লয়। বিগত চাৰি বছৰ ধৰি বিনীশাই বাদাম বিক্ৰী কৰি আছে। বহুলোকে উপহাস কৰিলেও বিনীশা নিজৰ লক্ষ্যত অটল হৈ আছে আৰু পৰিয়ালটোৰ বাবে সহায়ৰ হাতখন আগবঢ়াই আছে৷
Continue Reading
