ডিজিটেল ডেস্কঃ ২০২০ চনৰ পিছত ২০২৪ চনত। চাৰি বছৰৰ পাছত ফাইনেলত খেলাৰ পাছতো ইংলেণ্ডৰ দুৰ্দশা শেষ নহ’ল। চাৰি বছৰ পূৰ্বে ইটালীৰ হাতত পৰাস্ত হোৱাৰ পিছত এইবাৰ স্পেইনৰ হাতত পৰাস্ত হ’বলগীয়া হৈছিল। একেৰাহে দুখনকৈ ফাইনেলত পৰাস্ত হৈ বিধ্বস্ত হৈ পৰিছে ইংলেণ্ডৰ অধিনায়ক হেৰী কেন। তেওঁ কয়, এই ক্ষতি পাহৰিবলৈ বহু সময় লাগিব।
দেওবাৰৰ খেলখনৰ পিছত হেৰী কেনে কয় - ''ফাইনেলত পৰাজয় আন সকলোতকৈ কঠিন। আমি মেচখনত এক সুন্দৰভাৱে উভতি আহিছিলোঁ৷ ১-১ গ’ল কৰিছিলোঁ। সেই মুহূৰ্তটো আৰু আগবাঢ়ি যাবলৈ ব্যৱহাৰ কৰা উচিত আছিল। কিন্তু আমি বল ৰাখিব পৰা নাছিলো। তাৰ শাস্তি পালোঁ। এতিয়া কি ক'ম নাজানো। বহু দিনলৈ এই হাৰৰ বিষ থাকিব। ফুটবল খেলত ইমান কষ্ট অনুভৱ কৰাটোৱেই প্ৰথম।’
কেনৰ মতে তেওঁলোকৰ বল নিয়ন্ত্ৰণৰ অভাৱেই আছিল তেওঁলোকৰ পৰাজয়ৰ মূল কাৰণ। তেওঁ ক’লে, “বলটো আমাৰ ভৰিৰ ওপৰত সঠিকভাৱে ৰাখিব পৰা নাছিলোঁ। বহুতে ভাগৰি পৰিছিল। খেলৰ পৰা মই মানসিকভাৱে হেৰাই গৈছিলোঁ। বহুত কাম কৰিব লগা আছিল। আমি তেওঁলোকৰ দৰে বলটো ৰাখিব পৰা নাছিলো। এইবোৰেই হৈছে বাস্তৱ সময়ত বৃদ্ধি পোৱা মুহূৰ্ত। শেষত তেওঁলোকে গ’ল লাইন ছেভ কৰিলে। লক্ষ্য হ’লে বহুত হ’ব পাৰিলেহেঁতেন। আমাৰ মাজত আছিল অতি কঠিন প্ৰতিযোগিতা। এতিয়া আমি বৰ হতাশ হৈছো।”
Continue Reading
