ডিজিটেল ডেস্কঃ লণ্ডনৰ ৱেম্বলীত হায়দৰাবাদৰ এগৰাকী ২৭ বছৰীয়া যুৱতীক ছুৰীৰে আঘাত কৰি হত্যা কৰা হৈছে। উচ্চ শিক্ষাৰ বাবে লণ্ডনলৈ যোৱা কনথাম তেজস্বিনীক মঙলবাৰে পুৱা প্ৰায় ১০ বজাত আৱাসিক সম্পত্তিত ব্ৰাজিলৰ ফ্লেটমেটে আক্ৰমণ কৰাৰ অভিযোগ উত্থাপন হৈছে।
তেজস্বিনীৰ থিতাতে মৃত্যু হোৱাৰ বিপৰীতে মহানগৰ আৰক্ষীয়ে জনোৱা মতে, ২৮ বছৰীয়া দ্বিতীয়গৰাকী মহিলাক ছুৰীৰ আঘাতৰ সৈতে চিকিৎসালয়লৈ লৈ যোৱা হয় যদিও চিকিৎসকে সংকটমুক্ত ঘোষণা কৰে৷উল্লেখ্য যে ৱেম্বলীৰ নীল্ড ক্ৰেচেণ্টত এই ঘটনা সংঘটিত হৈছিল৷
হায়দৰাবাদৰ তেজস্বিনীৰ এগৰাকী বন্ধু বিজয় নামৰ এজনে কয় যে অভিযুক্তজন ব্ৰাজিলৰ নাগৰিক আৰু এসপ্তাহ নৌহওঁতেই তেওঁ শ্বেয়াৰড হাউছটোলৈ গৈছিল - য’ত তেজস্বিনীয়ে বন্ধু-বান্ধৱীৰ সৈতে বাস কৰিবলৈ স্থানান্তৰিত হৈছিল। খবৰ অনুসৰি তেজস্বিনীয়ে যোৱা বছৰৰ মাৰ্চ মাহত স্নাতকোত্তৰ ডিগ্ৰী লাভ কৰিবলৈ লণ্ডনলৈ গৈছিল।
আৰু পঢ়ক : এতিয়াও অব্যাহত ৰাছিয়া-ইউক্ৰেইন যুদ্ধ
তদুপৰি আন এজন সন্দেহযুক্ত ২৩ বছৰীয়া যুৱককো এতিয়া গ্ৰেপ্তাৰ কৰা হৈছে। সংবাদ সংস্থা পিটিআইয়ে জনোৱা মতে, মেট্ৰ’পলিটান পুলিচে ইয়াৰ পূৰ্বে ব্ৰাজিলৰ নাগৰিক কেভেন এণ্টনিঅ’ ল’ৰেংকো ডি মৰেইছৰ ছবি প্ৰকাশ কৰিছিল আৰু তেওঁক বিচাৰি উলিয়াবলৈ জনসাধাৰণৰ সহায় বিচাৰিছিল।যাৰ পৰৱৰ্তী সময়ত সমগ্ৰ অভিযুক্তক আৰক্ষীয়ে কৰায়ত্ত কৰে৷
Continue Reading
