বাংলাদেশেও উভতি ধৰিলে ৰাছিয়াক: বাংলাদেশৰ বন্দৰত প্ৰৱেশ কৰিবলৈ দিয়া নহ'ল ৰাছিয়াৰ জাহাজ

যোৱা ১৪ নৱেম্বৰত ৰাছিয়াৰ পতাকা থকা ‘উৰশা সজ্ৰে' নামৰ এখন জাহাজ পাবনাৰ ৰূপপুৰ পাৰমাণৱিক শক্তি কেন্দ্ৰলৈ সামগ্ৰী কঢ়িয়াই ছেইণ্ট পিটাৰ্ছবাৰ্গ বন্দৰৰ পৰা ওলাই আহিছিল।  ২৪ ডিচেম্বৰত বাংলাদেশত উপস্থিত হোৱাৰ কথা আছিল জাহাজখন।  কিন্তু বাংলাদেশ পোৱাৰ আগতেই আমেৰিকাই  ঢাকাক জনাইছিল যে পাৰমাণৱিক সামগ্রী কঢ়িয়াই আনা   জাহাজখন আচলতে ৰাছিয়াৰ মালিকানাধীন আৰু এখন যুদ্ধ জাহাজ৷  ইয়াৰ ওপৰত নিষেধাজ্ঞা আৰোপ কৰা হৈছে।  এই জাহাজখনৰ নতুন নাম দিয়া হৈছে ‘উৰ্শা সজ্ৰে’।বাংলাদেশৰ ৰূপপুৰত জাহাজখন ডক কৰিবলৈ দিয়াৰ বাবে ৰাছিয়াৰ পৰা হেঁচা আহিছিল।  বাংলাদেশে বিষয়টো আন্তর্জাতিক পৰ্যায়ত উত্থাপন কৰে। আৰু যোৱা ২২ ডিচেম্বৰত বিজ্ঞান আৰু প্ৰযুক্তি মন্ত্ৰালয়ৰ এখন বৈঠকত ৰাছিয়াৰ প্ৰতিনিধিৰ উপস্থিতিত জনোৱা হৈছিল, যে নীতি অনুসৰি বাংলাদেশে কোনো নিষিদ্ধ জাহাজ প্ৰৱেশ কৰিবলৈ নিদিয়ে।  

সেইদিনা হাছিনা চৰকাৰে ঢাকাত থকা ৰাছিয়াৰ ৰাষ্ট্ৰদূতক ফোন কৰি ৰাছিয়াৰ বৈদেশিক মন্ত্ৰালয়ক এই বিষয়ে অৱগত কৰে।  ঢাকাত নিযুক্ত ৰাছিয়াৰ ৰাষ্ট্ৰদূত আলেকজেণ্ডাৰ মান্টিষ্টস্কিয়েও জাহাজখন বাংলাদেশলৈ প্ৰেৰণৰ বাবে অনুৰোধ জনাইছিল।  এই অনুৰোধ তেওঁ যোৱা ২২ ডিচেম্বৰত ঢাকাত বৈদেশিক মন্ত্ৰালয়লৈ প্ৰেৰণ কৰিছিল।  কিন্তু সেই অনুমতি বাংলাদেশ পক্ষৰ পৰা দিয়া হোৱা নাছিল।  ইয়াৰ পিছত ঢাকাত থকা আমেৰিকাৰ দূতাবাসে ছ’চিয়েল মিডিয়াৰ জৰিয়তে ৰাছিয়াক জনাই যে, ৰাছিয়াৰ সেই নীতি ইউক্ৰেইনৰ ক্ষেত্ৰত প্ৰযোজ্য নেকি?  

২২ ডিচেম্বৰত মস্কোত ৰাছিয়াৰ বৈদেশিক মন্ত্ৰালয়ৰ মুখপাত্ৰ আৰু ঢাকাত থকা আমেৰিকাৰ ৰাষ্ট্ৰদূতে মন্তব্য কৰিছিল যে কিছুমান পশ্চিমীয়া দেশৰ কূটনীতিবিদৰ উচ্চ অধিকাৰীয়ে  বাংলাদেশৰ আভ্যন্তৰীণ বিষয়ত হস্তক্ষেপ কৰি আহিছে।