ডিজিটেল ডেস্কঃ লিঅ’নেল মেছি বাংলাদেশলৈ আহিব। বাংলাদেশ ফুটবল ফেডাৰেচন (বিএফএফ)ৰ সভাপতি কাজী ছালাউদ্দিনে কৈছে যে বিশ্বকাপ বিজয়ী আৰ্জেণ্টিনা দলটো জুন মাহত ঢাকালৈ খেলিবলৈ আহিব পাৰে। বাংলাদেশী সংবাদ মাধ্যমক দিয়া এক সাক্ষাৎকাৰত ছালাউদ্দিনে কয় যে বাংলাদেশত আৰ্জেণ্টিনাৰ আগমন এক প্ৰকাৰৰ নিশ্চিত। কিছুমান বিষয় আলোচনা কৰি থকা হৈছে। তাৰপাছতে সকলো চূড়ান্ত হ’ব।
উল্লেখ্য যে ইয়াৰ পূৰ্বে মেছিয়ে কলকাতাত খেলি গৈছিল। মেছিয়ে সেইবাৰ ভেনিজুৱেলাৰ বিৰুদ্ধে খেলিছিল। এইবাৰ বাংলাদেশত আৰ্জেণ্টিনাই কোনখন দেশৰ বিৰুদ্ধে খেলিব সেয়া এতিয়াও সিদ্ধান্ত লোৱা হোৱা নাই। ছালাউদ্দিনে কয়, "আৰ্জেণ্টিনা বাংলাদেশলৈ অহাটো প্ৰায় নিশ্চিত। খেলখন বংগবন্ধু ষ্টেডিয়ামত অনুষ্ঠিত হ'ব। ষ্টেডিয়াম কৰ্তৃপক্ষক ইতিমধ্যে অৱগত কৰা হৈছে। অৱশ্যে আৰ্জেণ্টিনাই কোন খন দেশৰ বিৰুদ্ধে খেলিব সেয়া এতিয়াও সিদ্ধান্ত লোৱা হোৱা নাই। আৰ্জেণ্টিনাই আমাক কিছুমান দেশৰ নাম দিব। তাৰ পিছত কোনখন দেশে খেলিব সেয়া সিদ্ধান্ত লোৱা হ'ব। "
মেছি ২০১১ চনত কলকাতালৈ আহিছিল। তেওঁলোকে সেইবাৰ ভেনিজুৱেলাৰ বিৰুদ্ধে ১-০ গ'লত জয়ী হৈছিল। যদিও মেছিয়ে সেই খেলখনত গ'ল কৰিব নোৱাৰিলে, নিকোলাছ ওটামেণ্ডিয়ে এটা গ'ল কৰিছিল। সেই খেলখনত খেলপথাৰত ৮৫,০০০ দৰ্শক উপস্থিত আছিল। কলকাতাৰ দৰ্শকসকলে প্ৰাণভৰি মেছিৰ খেল উপভোগ কৰিছিল। এইবাৰ ঢাকাৰ ফুটবল অনুৰাগীসকলৰ বাবে এইটো এটা সুযোগ।
Continue Reading
