ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীয়ে জুলাই মাহত ফ্ৰান্স ভ্ৰমণ কৰাৰ কথা আছে। তেওঁ ১৪ জুলাইত ফ্ৰান্সৰ বাষ্টিল দিৱসৰ কুচকাৱাজত সন্মানীয় অতিথি হিচাবে উপস্থিত থাকিব বুলি জানিব পৰা গৈছে। শুক্ৰবাৰে বৈদেশিক পৰিক্ৰমা মন্ত্ৰালয়ে এই কথা প্ৰকাশ কৰিছে।
জানিব পৰা মতে বাষ্টিল দিৱসৰ কুচকাৱাজত ভাৰতীয় সেনায়ো ফৰাচী সেনাৰ সৈতে পেৰেডত অংশগ্ৰহণ কৰিব। উল্লেখ্য এই বছৰ ভাৰত-ফ্ৰান্স সহযোগিতাৰ ২৫ বছৰ পূৰ্ণ হৈছে। এই উপলক্ষে ফ্ৰান্সৰ ৰাষ্ট্ৰপতি ইমানুৱেল মেক্ৰ'নে বাষ্টিল দিৱসলৈ মোডীক আমন্ত্ৰণ জনাইছে । মেক্ৰ'নে হিন্দী আৰু ফৰাচী ভাষাত টুইট কৰি প্ৰধানমন্ত্ৰীক আমন্ত্ৰণ জনাইছে।
উল্লেখ্য প্ৰধানমন্ত্ৰী নৰেন্দ্ৰ মোদীয়ে যোৱা বছৰ ফ্ৰান্স ভ্ৰমণ কৰিছিল। ভাৰতৰ বৈদেশিক পৰিক্ৰমা মন্ত্ৰালয়ে বিগত বৰ্ষৰ মোদীৰ ফ্ৰান্স ভ্ৰমণক বন্ধুত্বপূৰ্ণ ভ্ৰমণ বুলি উল্লেখ কৰিছিল। জুলাই মাহত আকৌ এবাৰ, দুয়োখন ৰাষ্ট্ৰ শক্তিশালী নেতাদুগৰাকী মিলিত হোৱাৰ সম্ভাৱনা আছে। মোদীৰ এই ভ্ৰমণৰ সময়তে জলবায়ু পৰিৱৰ্তনৰ পৰা প্ৰতিৰক্ষালৈকে বিভিন্ন বিষয়ত আলোচনা হ'ব বুলি আশা কৰা হৈছে।
Continue Reading
