ডিজিটেল ডেস্ক: গোৱাত অনুষ্ঠিত SCO বৈঠকত অংশ লয় পাকিস্তানৰ বৈদেশিক মন্ত্ৰী বিলাৱাল ভূট্টো জৰ্দাৰীয়ে। আজি গোৱাত অনুষ্ঠিত হৈ যায় বৈদেশিক মন্ত্ৰীসকলৰ সন্মিলন।
SCOৰ ৮খনকৈ সদস্য ৰাষ্ট্রৰ বৈদেশিক মন্ত্ৰীয়ে অংশ লয় এই বৈঠকত। অন্যান্য বিষয়ৰ লগতে বৈঠকত স্থান পায় সন্ত্ৰাসবাদৰ প্ৰসংগইও। সন্মিলনৰ উদ্বোধনী ভাষণত সন্ত্ৰাসবাদক লৈ কঠোৰ বাক্যবাণ ভাৰতৰ বৈদেশিক মন্ত্ৰী এছ জয়শংকৰৰ। পাকিস্তানৰ নাম নোলোৱাকৈ দেশখনক কটাক্ষ কৰে জয়শংকৰে।
তেওঁ কয়, সকলো ৰাষ্ট্রই সন্ত্ৰাসবাদৰ বিৰুদ্ধে একেলগে যুঁজ দিব লাগিব। যিকোনো ধৰণৰ সন্ত্ৰাসবাদী আক্ৰমণ বন্ধ কৰিব লাগিব। বিশেষকৈ সীমান্তৰ পৰা অন্য দেশত সন্ত্ৰাসবাদ বিয়পোৱাৰ দৰে ঘটনা ৰোধ হ’ব লাগিব। SCOৰ মূল আদৰ্শৰ ভিতৰত অন্যতম হল সন্ত্ৰাসবাদীৰে মোকাবিলা কৰা। বিলাৱল ভূট্টোৰ উপস্থিতিত এই তাৎপৰ্যপূৰ্ণ মন্তব্য কৰে এছ জয়শংকৰে৷
Continue Reading
