ডিজিটেল ডেস্কঃ এজন ক্ষোভিত ৰেলযাত্ৰীৰ সৈতে হোৱা ঘটনাই দেশজুৰি তীব্ৰ প্ৰতিক্ৰিয়াৰ অৱতাৰণা কৰিছে৷ঘটনা অনুসৰি গুজৰাটৰ বদোদৰাৰ এজন লোকে টিকট অবিহনে যাত্ৰা কৰা যাত্ৰীৰ ভিৰৰ বাবে ৰে’লত উঠিবলৈ ব্যৰ্থ হয়। অংশুল ছাক্সেনা নামৰ যাত্ৰীজনে নিজৰ গৃহ চহৰলৈ যোৱা ৩ টায়াৰৰ এচি টিকট নিশ্চিত কৰিলেও বিশৃংখল জনসমাগমৰ ক্ৰোধ সহ্য কৰিবলগীয়া হৈছিল। এক্সত অংশুলে ধাৰাবাহিকভাৱে পোষ্টত ভাৰতীয় ৰে’লৱেক নিন্দা কৰি কয়, “মোৰ দীপাৱলী নষ্ট কৰাৰ বাবে ধন্যবাদ”।
ৰে’ল মন্ত্ৰী অশ্বিনী বৈষ্ণৱ আৰু ডি আৰ এম বডোদৰাক টেগ কৰি অংশুলে নিজৰ পোষ্টত কয় যে, ‘মই মুঠ ১১৭৩.৯৫ টকা ঘূৰাই দিব বিচাৰো।’অংশুলে নিজৰ পোষ্টসমূহত ৰে’লত উঠিবলৈ চেষ্টা কৰাৰ সময়ত ৰে’ল ষ্টেচনত সৃষ্টি হোৱা বিশৃংখলতাৰ কেইটামান ভিডিঅ’ আৰু ছবিও শ্বেয়াৰ কৰিছে।
অংশুলে নিজৰ পোষ্টত কয় যে-“ভাৰতীয় ৰেলৱেৰ আটাইতকৈ বেয়া ব্যৱস্থাপনা। মোৰ দীপাৱলী নষ্ট কৰাৰ বাবে ধন্যবাদ। নিশ্চিত 3rd AC টিকট থাকিলেও এইটোৱেই পায়। আৰক্ষীৰ কোনো সহায় নাই। মোৰ দৰে বহুজন উঠিব পৰা নাছিল। @AshwiniVaishnaw।’ অংশুলে লগতে কয়- এজন আৰক্ষী বিষয়াই মোক সহায় কৰিবলৈ অস্বীকাৰ কৰে৷শ্ৰমিক ৰাইজে মোক ৰেলৰ পৰা উলিয়াই দিলে। দুৱাৰত লক লগোৱাত কাকো ট্ৰেইনত সোমাবলৈ দিয়া নাছিল। আৰক্ষীয়ে মোক সহায় কৰিবলৈ স্পষ্টকৈ প্ৰত্যাখান কৰে আৰু পৰিস্থিতিৰ ওপৰত হাঁহিবলৈ ধৰে।”
Continue Reading
