ডিজিটেল ডেস্কঃ শীতকালত গিজাৰ ব্যৱহাৰ কৰাসকল সাৱধান হওক। আহমেদাবাদত গিজাৰৰ পৰা এটা ঘৰত জুই লাগে। য’ত এগৰাকী কিশোৰীৰ মৃত্যু হয়। এই ঘটনা আহমেদাবাদৰ গিৰ্ধৰ নগৰ চক্ৰৰ সমীপৰ আৰ্কেড গ্ৰীণৰ। হঠাতে গিজাৰত হোৱা অগ্নিকাণ্ডৰ বাবে অঞ্চলটোত হাহাকাৰৰ সৃষ্টি হয়। ঘটনাৰ তথ্য পোৱাৰ লগে লগে অগ্নিনিৰ্বাপক বাহিনীয়ে জুই নিৰ্বাপনৰ উপৰিও উদ্ধাৰ আৰু সাহায্যৰ বাবে অগ্নিনিৰ্বাপক নিবিদা প্ৰেৰণ কৰে
এই অগ্নিকাণ্ড ইমানেই ভয়াৱহ যে থিতাতে ১৫খন অগ্নিনিৰ্বাপক বাহিনীৰ গাড়ী মোতায়েন কৰা হয়। অগ্নি নিৰ্বাপক বাহিনীৰ গাড়ী উপস্থিত হৈ নিৰ্বাপন কৰে জুই। অগ্নিকাণ্ডৰ মাজত আবদ্ধ হৈ থকা কিশোৰীগৰাকীক উদ্ধাৰকাৰীয়ে উলিয়াই আনি চিকিৎসালয়লৈ লৈ যায় আৰু চিকিৎসাৰ সময়ত চিকিৎসকে মৃত বুলি ঘোষণা কৰে।
এই ঘটনাত এগৰাকী ছোৱালীৰ মৃত্যু হোৱাৰ বিপৰীতে পৰিয়ালৰ আন সদস্যসকলক ৰক্ষা কৰা হৈছে। লাভ কৰা তথ্য অনুসৰি ফ্লেটটোত ড্ৰয়িং ৰুমৰ পিছফালে এটা শৌচাগাৰ আছে, য’ত শ্বৰ্ট চাৰ্কিটৰ বাবে গিজাৰত জুই লাগে। এই গিজাৰটো ইলেক্ট্ৰনিক আছিল। যাৰ বাবে ঘৰটোত জুই লাগিছিল।
এই দুৰ্ঘটনাৰ সম্পৰ্কত অগ্নিনিৰ্বাপক বাহিনীৰ বিষয়াসকলে প্ৰাথমিক তদন্তৰ অন্তত এই সিদ্ধান্তত উপনীত হৈছে যে বৈদ্যুতিক অতিৰিক্ত বোজাৰ বাবে গিজাৰটো জ্বলি উঠিছিল। বিভাগটোৰ মতে, ঠাণ্ডা বৃদ্ধিৰ বাবে বিদ্যুৎ যোগানৰ চাহিদা বৃদ্ধি পায়। হয়তো এই কাৰণেই গিজাৰটোৰ ওপৰত অতিৰিক্ত বোজা পৰিছিল।
Continue Reading
