ডিজিটেল ডেস্কঃ বৃদ্ধি হ’ব মুকেশ কুমাৰ আৰু আকাশদীপৰ দৰমহা। ভাৰত-ইংলেণ্ড টেষ্ট শৃংখলাৰ মাজতে নতুন সিদ্ধান্ত লৈছে ভাৰতীয় ক্ৰিকেট ব’ৰ্ডে। কিন্তু এই সিদ্ধান্ত কিয় লোৱা হৈছে তাক লৈ ক্ৰিকেটপ্ৰেমীৰ মাজত যথেষ্ট গুণাগঁথা চলিছে৷বহুতে উল্লেখ কৰিছে যে এই সিদ্ধান্ত এইবাবেই লোৱা হৈছে যাতে ক্ৰিকেটাৰসকলে অধিক টেষ্ট ক্ৰিকেট খেলে।
অৱশ্যে এতিয়া খেলুৱৈদুজনক অতিৰিক্ত দৰমহা দিয়া নহ’ব। আই পি এলৰ পাছত অনুষ্ঠিত হ’বলগীয়া টেষ্ট ছিৰিজত ক্ৰিকেটাৰসকলে মেচ মাচুলৰ বাহিৰেও অতিৰিক্ত ধন লাভ কৰিব। এতিয়া প্ৰতিখন টেষ্টত ১৫ লাখ, এদিনীয়া মেচৰ বাবে ৬ লাখ আৰু টি-২০ৰ বাবে ৩ লাখ মেচ মাচুল হিচাপে দিয়া হৈছে। আই পি এলৰ পাছত ১৫ লাখ টকা দিয়াৰ লগতে অতিৰিক্ত ৫০ লাখ টকা প্ৰদান কৰা হ’ব।ইতিমধ্যে টেষ্ট ফৰ্মেটত অভিষেক ঘটালে বংগৰ মুকেশে। আন এজন পেচাৰ আকাশেও টেষ্টৰ জৰিয়তে আন্তঃৰাষ্ট্ৰীয় কেৰিয়াৰ আৰম্ভ কৰিছিল। কেৰিয়াৰৰ আৰম্ভণিতে খেলুৱৈ দুজনৰ দৰমহা বৃদ্ধি পাব।
একাংশ ক্ৰিকেটাৰৰ মনোভাৱত সুখী নহয় ব’ৰ্ড। ভাৰতৰ উইকেটকীপাৰ ঈশান কিষাণে নুশুনে ব’ৰ্ডৰ কথা। ঘৰুৱা ক্ৰিকেট খেলা নাই। তাৰ পৰিৱৰ্তে কিষাণে আন এখন প্ৰতিযোগিতা খেলিছে। কিন্তু ব’ৰ্ডৰ সম্পাদক জয় শ্বাহে স্পষ্টভাৱে কয় যে যদি ঘৰুৱা ক্ৰিকেট খেলা নহয় তেন্তে জাতীয় দলৰ বাবে ক্ৰিকেট খেলাটো দূৰৰে কথা আই পি এল খেলাটোও কঠিন হ’ব। তাৰ পাছতো ঈশানে শুনা নাই কথা। শ্ৰেয়াছ আয়াৰেও সেই দিশত ভৰি দিছে। সেয়েহে বিচিচিআইয়ে এই ধাৰাটো হ্ৰাস কৰিব বিচাৰিছে।
নাম প্ৰকাশ কৰিবলৈ অনিচ্ছুক ব’ৰ্ডৰ এজন বিষয়াই সংবাদ মাধ্যমৰ আগত কয় যে, “যদি কোনো ক্ৰিকেটাৰে বছৰৰ সকলো টেষ্ট শৃংখলা খেলে, তেন্তে তেওঁক অতিৰিক্ত ধন দিয়া হ’ব।কেন্দ্ৰীয় চুক্তি আৰু মেচ মাচুলৰ বাহিৰেও সেই ধন তেওঁলোকে পাব। ইয়াৰ কাৰণ হ’ল ক্ৰিকেটাৰসকল ৰেড বলৰ ফৰ্মেটৰ প্ৰতি অধিক আগ্ৰহী।’’
Continue Reading
