ডিজিটেল ডেস্ক
বিগ বছ ১৩ৰ জৰিয়তে সকলোৰে নয়নমণি হৈ পৰা শ্বেহনাজ গিলে পৰৱৰ্তী সময়ত দক্ষতা,ব্যক্তিত্বৰ জৰিয়তে এগৰাকী অভিনেত্ৰী হিচাপে পৰিচয় দিবলৈ সক্ষম হৈছিল৷ শেহতীয়াকৈ ডুবাইত অনুষ্ঠিত ২০২২ চনৰ ফিল্মফেয়াৰ মিডল ইষ্ট এচিভছ নাইট এৱাৰ্ডত বঁটা লাভ কৰি অভিনেত্ৰীগৰাকীয়ে নিজৰ প্ৰতিভাৰ কথা পুনৰ প্ৰমাণ কৰে।
কিন্তু ইমানখিনি প্ৰাপ্তিয়েও আঁচোৰ পেলাব পৰা নাই শ্বেহনাজৰ সৰলতাত৷ এই সন্মানীয় বঁটা শ্বেহনাজে উৎসৰ্গা কৰিলে প্ৰয়াত প্ৰিয় বন্ধু সিদ্ধাৰ্থ শুক্লাৰ নামত৷ সিদ্ধাৰ্থৰ প্ৰতি থকা শ্বেহনাজৰ এনে আন্তৰিকতাই স্বাভাৱিকেই আকৰ্ষিত কৰিছে সকলোকে৷ লগতে অকালতে প্ৰাণ হেৰুওৱা সিদ্ধাৰ্থৰ স্মৃতিত আকৌ এবাৰ আৱেগিক হৈ উঠিল সকলো।
উক্ত বটাঁ গ্ৰহণ কৰি শ্বেহনাজে কয় যে, ” মই মোৰ পৰিয়াল, বন্ধু আৰু অথবা দলক এই বঁটাটো উৎসৰ্গা নকৰো কাৰণ এইয়া মোৰ পৰিশ্ৰমৰ ফল ৷”
লগতে তুমি মোৰেই হয় মোৰ হৈয়েই থাকিবা বুলি সোঁৱৰে সিদ্ধাৰ্থক৷
শেষত শ্বেহনাজে তেওঁৰ জীৱনত সিদ্ধাৰ্থৰ যে এক গুৰুত্বপূৰ্ণ স্থান আছে সেইয়া পুনৰ প্ৰমাণ কৰি কয় যে, “ মই এজন ব্যক্তিক ধন্যবাদ জ্ঞাপন কৰিব বিচাৰিছো, ধন্যবাদ মোৰ জীৱনলৈ অহাৰ বাবে৷ তেওঁ মোৰ ওপৰত ইমান বিনিয়োগ কৰিলে যে মই ইয়াত আহি ইয়াত উপনীত হ’লো। সিদ্ধাৰ্থ শুক্লা, এইয়া কেৱল তোমাৰ বাবে।”
Continue Reading
