ডিজিটেল ডেস্কঃ সম্পৰ্কৰ অন্ত পৰিছে নেকি অভিনেত্ৰী ৰশ্মিকা মান্দানা আৰু দক্ষিণৰ ছুপাৰষ্টাৰ বিজয় দেৱেৰাকোণ্ডাৰ? ভেলেণ্টাইন ডে’ৰ প্ৰাকমুহূৰ্ততে তেওঁলোকক লৈ এই কৌতূহলৰ সৃষ্টি হৈছে। ৰশ্মিকাৰ শেহতীয়া এটা ইনষ্টাগ্ৰাম ষ্ট’ৰী দেখি অনুৰাগীসকলে এই প্ৰশ্ন উত্থাপন কৰিছে।
অভিনেত্ৰীগৰাকীয়ে তেওঁৰ ইনষ্টাগ্ৰাম ষ্ট’ৰীত অনুৰাগীসকলক প্ৰশ্ন কৰে যে, ''অনুমান কৰক মোৰ ভেলেণ্টাইন কোন?’’ কিন্তু বিজয় থাকোতেই কিয় এইদৰে প্ৰশ্ন কৰিলে অভিনেত্ৰীগৰাকীয়ে। এই লৈ হাহাকাৰ সৃষ্টি হৈছে অনুৰাগীসকলৰ মাজত।
দক্ষিণৰ অভিনেত্ৰী হিচাপে বলীউডত ভৰি দিছিল ৰশ্মিকা মান্দানাই। মুম্বাইলৈ অহাৰ পিছত ‘গুডবাই’, ‘মিছন মাজনু’ আদি ছবিত তেওঁৰ কামে দৰ্শকৰ দৃষ্টি আকৰ্ষণ কৰে।\
কিন্তু কেৱল অভিনয়েই নহয়, প্ৰেম জীৱনৰ বাবেও চৰ্চা লাভ কৰি আছে অভিনেত্ৰীগৰাকীয়ে। বিজয় দেৱেৰাকোণ্ডাৰ সৈতে তেওঁৰ প্ৰেমৰ ফুচফুচানি বহুদিনৰ পৰাই চলি আহিছে।
কিছুদিন পূৰ্বে ডুবাইত তেওঁৰ মৰমৰ প্ৰেমিক বিজয় দেৱেৰাকোণ্ডাৰ সৈতে দেখা গৈছিল। ডুবাইত পাৰিবাৰিক ছুটীত গৈছিল দক্ষিণৰ তাৰকা অভিনেতাগৰাকী।
‘গীতগোবিন্দম’ ছবিখনত প্ৰথমবাৰৰ বাবে একেলগে কাম কৰিছিল বিজয় আৰু ৰশ্মিকাই। ইয়াৰ পিছত ‘ডিয়েৰ কমৰেড’। চিনেমাৰ কামত একেলগে কাম কৰাৰ সময়ত বন্ধুত্ব গঢ় লয়। তাৰ পাছত প্ৰেম।
Continue Reading
