ডিজিটেল ডেস্কঃ মাক-দেউতাক ব্যস্ত সিদ্ধাৰ্থ মালহোত্ৰা আৰু কিয়াৰা আদৱানীৰ বিয়াত। আনহাতে তেওঁলোকৰ কন্যা ব্যস্ত ওৰে নিশা পাৰ্টি কৰাত। ইয়াৰ দ্বাৰা অজয় দেৱগণ-কাজল আৰু তেওঁলোকৰ কন্যা ন্যাচা দেৱগণৰ কথা কোৱা হৈছে।
শেহতীয়াকৈ ভাইৰেল হৈ পৰা এটা ভিডিঅ’ত দেখা গৈছে যে ন্যাচাই গোলাপী ৰঙৰ পোছাক পিন্ধি গাড়ীৰ পৰা নামি আহিছে। চকুত আই শ্বেডো, ওঁঠত গোলাপী লিপষ্টিক, জিলিকা দুগাল। গাড়ীৰ পৰা নামি তেওঁ পাৰ্টি কৰিবলৈ সোমাই গ’ল। কিন্তু সেই ৰূপটো ঘূৰি অহাৰ সময়ত সলনি হৈ গ’ল। যেন এটা ‘ভূত’হে!
কাজল আৰু অজয় দেৱগনৰ কন্যাই ইতিমধ্যে বন্ধু-বান্ধৱীৰ সৈতে পাৰ্টি কৰি ভাল পায়। তেওঁ অৰহন অৱত্ৰামণিৰ সৈতে বিভিন্ন পাবত প্ৰৱেশ আৰু প্ৰস্থান কৰা দেখা যায়।
কিন্তু শেহতীয়া এটা মাজনিশাৰ পাৰ্টিত কেৱল বেষ্ট ফ্ৰেণ্ড অৰহানেই নহয়, পাৰ্টিটোত ছৈফ আলী খানৰ পুত্ৰ ইব্ৰাহিম আলী খান, শ্বেতা তিৱাৰীৰ কন্যা পলক তিৱাৰী, শ্বাহৰুখ খানৰ পুত্ৰ আৰিয়ান খান আৰু কন্যা চুহানা খানও উপস্থিত আছিল।
পাৰ্টি শেষ কৰি তাৰ পৰা ওলাই আহোঁতে ন্যাচাই থৰক-বৰককৈ খোজকঢ়া দেখা গ’ল। মুখৰ সকলো মেকআপ বিধ্বস্ত। কেৱল নিচা কৰিয়েই এনেকৈ বিধ্বস্ত হৈ পৰিছে কাজল-কন্যা? নে ভিতৰত আৰু কিবা এটা ঘটিল? ছচিয়েল মিডিয়াত তেওঁক লৈ কটুক্তিৰ ধুমুহা উঠিছে। অনেকে ব্যংগাত্মক মন্তব্যও কৰিব ধৰিছে।
Continue Reading
