ডিজিটেল ডেস্কঃ যিটো সময়ত ইণ্ডিয়া মিত্ৰজোঁটৰ সম্ভাৱনা প্ৰায় নিস্তেজ হৈ আহিছিল সেই সময়তে কংগ্ৰেছ-আপৰ মাজত হোৱা নিৰ্বাচনী সন্ধিয়ে বহুতৰে মুখলৈ পানী আনিছে। লোকসভা নিৰ্বাচনৰ পূৰ্বে আজি ইণ্ডি মিত্ৰজোঁটে এখন যুটীয়া সংবাদমেল অনুষ্ঠিত কৰে।
এই যুটীয়া সংবাদমেলত কংগ্ৰেছ আৰু আম আদমী পাৰ্টিৰ মাজত পাঁচখন ৰাজ্যত মিত্ৰতাৰ কথা ঘোষণা কৰা হয়। মিত্ৰতা অনুসৰি দিল্লীত আম আদমী পাৰ্টীয়ে (আপ) চাৰিখন লোকসভা আসন আৰু কংগ্ৰেছে তিনিখন আসনত প্ৰতিদ্বন্দিতা কৰিব।লগতে কংগ্ৰেছে হাৰিয়ানাৰ ১০ খন আসনৰ ভিতৰত ৯ খন আসনত প্ৰতিদ্বন্দিতা কৰিব আৰু আপে এখন আসনত প্ৰতিদ্বন্দিতা কৰিব। সংবাদমেলত প্ৰকাশ কৰা অনুসৰি আম আদমী পাৰ্টীয়ে দিল্লীত চাৰিখন আসনত প্ৰতিদ্বন্দিতা কৰিব। ইয়াৰ ভিতৰত আছে নতুন দিল্লী, পশ্চিম দিল্লী, দক্ষিণ দিল্লী আৰু পূব দিল্লী আসন কেইখন আছে।
ইয়াৰ উপৰি কংগ্ৰেছে চান্দনী চক, উত্তৰ-পূব আৰু উত্তৰ-পশ্চিম আসনকে ধৰি তিনিখন আসনত প্ৰতিদ্বন্দিতা কৰিব।ইয়াৰ উপৰি হাৰিয়ানাত কংগ্ৰেছে ১০ খন আসনৰ ভিতৰত ৯ খন আসনত প্ৰতিদ্বন্দিতা কৰিব, আনহাতে আপে এখন আসনত প্ৰতিদ্বন্দিতা কৰিব। কংগ্ৰেছৰ সাধাৰণ সম্পাদক আৰু সাংসদ মুকুল ৱাছনিকে কয় যে গোৱাত কংগ্ৰেছে দুয়োখন লোকসভা আসনত প্ৰতিদ্বন্দিতা কৰিব। ইয়াৰ উপৰি গুজৰাটৰ ২৬ খন লোকসভা আসনৰ ভিতৰত কংগ্ৰেছে ২৪ খনত প্ৰতিদ্বন্দিতা কৰিব আৰু আপৰ প্ৰাৰ্থীয়ে দুখন আসনত প্ৰতিদ্বন্দিতা কৰিব।
Continue Reading
