ডিজিটেল ডেস্কঃ বৰফে ছানি ধৰাৰ পাছত ভূ-স্বৰ্গ কাশ্মীৰত এতিয়া শীতৰ লহৰ৷ কাশ্মীৰৰ বিভিন্ন প্ৰান্তত এতিয়া প্ৰৱল তুষাৰপাত দেখিবলৈ পোৱা গৈছে৷ ব্যাহত হৈ পৰিছে স্বাভাৱিক জীৱন যাত্ৰাও৷ জম্মু–কাশ্মীৰৰ ৰাজপথত এতিয়া ১ ফুটপৰ্যন্ত বৰফ পৰিছে৷ অঞ্চলবিশেষে পথৰ বৰফ আঁতৰাবলৈ যন্ত্ৰৰ ব্যৱহাৰ কৰিছে প্ৰশাসনে৷ ইয়াৰ মাজতে একাংশই লৈছে তুষাৰপাতৰ আনন্দ৷
কাশ্মীৰত ব্যাপক তুষাৰপাত হোৱাৰ এদিন পাছত শুকুৰবাৰে শীতৰ অভিলেখ ভংগ কাশ্মীৰ উপত্যকাত৷
শ্ৰীনগৰৰ বতৰ বিজ্ঞান কেন্দ্ৰই কয় যে মধ্য কাশ্মীৰৰ গান্দেৰবাল জিলাৰ সোণামাৰ্গ পৰ্যটন ৰিজৰ্টত তাপমাত্ৰা -১৫.১°লৈ অৱনমিত হৈছে৷ দক্ষিণ কাশ্মীৰৰ অনন্তনাগত -১৭.৭°লৈ তাপমাত্ৰা অৱনমিত হৈছে৷
এমইটিয়ে কয় যে সোমবাৰৰ পৰা মাজে মাজে তুষাৰপাত হোৱা গুলমাৰ্গৰ স্কি ৰিজৰ্টত নিম্নতম তাপমাত্ৰা -১২° চেণ্টিগ্ৰেড নথিভুক্ত কৰা হৈছে। পেহেলগামে -১১.৯°চে. নিম্নতম পঞ্জীয়ন কৰিছিল, যি যোৱা চাৰি বছৰৰ অভিলেখ ভংগ কৰিছিল। এমইটিৰ তথ্য অনুসৰি, ২ ফেব্ৰুৱাৰীত পেহেলগামত তাপমাত্ৰা -১২. -12.6° চেণ্টিগ্ৰেডলৈ হ্ৰাস পাইছিল।
বতৰ বিজ্ঞানৰ আপডেটত কোৱা হৈছে যে দক্ষিণ কাশ্মীৰৰ কাশ্মীৰৰ প্ৰৱেশদ্বাৰ, কাজিগুণ্ডে নিম্নতম -৯.৪°চে. ৰেকৰ্ড কৰিছে৷ দক্ষিণ কাশ্মীৰৰ কোকেৰনাগেও নিম্নতম -৯.৪°চে. ৰেকৰ্ড কৰিছে।
Continue Reading
