ডিজিটেল ডেস্কঃ ৯০ৰ দশকত তেওঁক চাবলৈ বহু লোকে চিনেমা হলবোৰত ভিৰ কৰিছিল। ‘টিপ টিপ বৰছা পানী’ গীতটিত তেওঁৰ নৃত্যৰ ভংগীমাসমূহ আজিও বহু পুৰুষৰ হৃদয়ত আছে। তেওঁ হৈছে ৰবিনা টেণ্ডন।
শেহতীয়াকৈ অভিনেত্ৰী ৰবিনা টেণ্ডনে নিজৰ অভিনয় জীৱনৰ বিষয়ে এক সাক্ষাৎকাৰ দিছিল। তাত অভিনেত্ৰীগৰাকীয়ে ‘বডি শ্বেমিং’ৰ পৰা আৰম্ভ কৰি বলীউডত লাভ কৰা বিভিন্ন অভিজ্ঞতাৰ সকলো কথা স্পষ্টভাৱে কয়।
আন অভিনেত্ৰীসকলৰ দৰে ৰবিনাৰ শৰীৰটো লাহী-পাহী নাছিল। আৰু সেইবাবেই সেই সময়ৰ বাতৰি কাকতত তেওঁৰ বিষয়ে বিভিন্ন ধৰণৰ ঠাট্টা-মস্কৰা লিখা হৈছিল। এই অভিযোগ কৰিছে অভিনেত্ৰীগৰাকীৰ।
ৰবিনাই ক'লে- "সেই সময়ৰ বাতৰি কাকতত কাম কৰা কিছুমান মানুহ আছিল, যিসকলে নিজে নাৰী হ'লেও আন নাৰীৰ শৰীৰক অপমান কৰিছিল। অভিনয় নহয়, নায়িকাসকলৰ শৰীৰৰ চৰ্চাহে বেছি হৈছিল। অভিনেত্ৰীসকলক ঠাট্টা-মস্কৰা কৰি তললৈ নমাই আনিবলৈ চেষ্টা কৰি থাকিল। আজি তেওঁলোক ডাঙৰ ডাঙৰ নাৰীবাদী হৈ ৰাস্তাত ঘূৰি ফুৰিছে।’’
অভিনেত্ৰীগৰাকীয়ে কয় যে তেওঁৰ শৰীৰৰ বিষয়ে বহু কঠোৰ কথা শুনিবলগীয়া হৈছিল। ৰবিনাই কয়- ''মই ষোল্ল বছৰ বয়সৰ পৰাই বলীউডত কাম কৰিবলৈ আৰম্ভ কৰিছিলো। সেই সময়ত মোৰ গোটেই শৰীৰত বিপুল পৰিমাণৰ বেবী ফেট আছিল। কিন্তু এতিয়া মই একো গুৰুত্ব দিয়া নাছিলো। মই যিদৰে আছো, মই ভালেই আছো।''
নবৈৰ দশকৰ মহিলা সাংবাদিকসকলক লৈও ৰবিনাই ক্ষোভ প্ৰকাশ কৰে। তেওঁ কয়, "নব্বৈৰ দশকত সাংবাদিকৰ এনে আচৰণত মই বৰ বিৰক্ত হৈছিলোঁ। বিয়াৰ পিছত অভিনয়ৰ পৰা বিৰতি লোৱাৰ আঁৰৰ কাৰণ এইটোৱেই আছিল।’’
Continue Reading
