বহু যুৱতীৰ নয়নৰ মণি ৰাঘৱ চাদ্ধাই ভগৱন্ত মানৰ বিয়াত ক'লে-"আশা কৰিছোঁ,মোৰো সোনকালে বিয়া হ’ব"

ৰাঘৱ চাদ্ধা এজন যুৱ নেতা আৰু তেওঁ এতিয়াও অবিবাহিত। 'মষ্ট এলিজেবল বেচ্চলৰ' ৰাঘৱ চাদ্ধা বহু যুৱতীৰে নয়নৰ মণি। বহু যুৱতীৰ পৰা বিবাহৰ প্ৰস্তাৱ লাভ কৰে ৩৩ বছৰীয়া যুৱ নেতাগৰাকীয়ে। এতিয়া সকলোৱে অপেক্ষা কৰি আছে ৰাঘৱ চাদ্ধাৰ বিয়াখনৰ বাবে। 

এতিয়ালৈকে ৰাঘৱ চাদ্ধাই তেওঁৰ বিয়া কেতিয়া হ’ব সেই কথা প্ৰকাশ কৰা নাই, কিন্তু অতি সোনকালে বিয়া হ’ব বুলি ইংগিত দিছে। সংবাদ মাধ্যমৰ সৈতে হোৱা কথা-বতৰাত তেওঁ কয় যে ডাঙৰ ভাই সকলে বিয়া কৰালে যেতিয়া সৰুসকলেও বিয়া কৰাব লাগে। তেওঁ পঞ্জাৱৰ মুখ্যমন্ত্ৰী ভগৱন্ত মানক তেওঁৰ ডাঙৰ ভাতৃ বুলি গণ্য কৰে। ভগৱন্ত মানৰ বিবাহৰ কাৰ্যসূচীত সম্পূৰ্ণৰূপে ব্যস্ত হৈ পৰা দেখা গ’ল ৰাঘৱ চাদ্ধাক। 

তেওঁ কয় যে “ভাৰতীয় পৰম্পৰাত জ্যেষ্ঠসকলে প্ৰথমে বিয়া পাতে তাৰপিছত সৰু সকলৰ বিয়া হয়। সেইবাবেই প্ৰথমে জ্যেষ্ঠজনক বিয়া কৰাবলৈ দিলোঁ, এতিয়া মই নিশ্চয়কৈ বিয়াৰ কথা ভাবিম আৰু মই মোৰ বিয়াখনৰ কথা সকলোকে অৱগত কৰিম।" ৰাঘৱে লগতে কয় যে "আমি সকলো সুখী যে বহুদিনৰ পিছত মান চাহাবৰ পৰিয়াললৈ সুখ ঘূৰি আহিছে। পুত্ৰৰ ঘৰখন পুনৰ ঠন ধৰি উঠাটো তেওঁৰ মাতৃৰ সপোন আছিল, আজি সেই সপোন পূৰণ হোৱা দেখি আমি সকলো সুখী হৈছো। আপোনালোকে সকলোৱে আশীৰ্বাদ কৰিব যাতে তেওঁলোকৰ দাম্পত্য জীৱন সুখৰ হয়।" আপৰ আহ্বায়ক আৰু দিল্লীৰ মুখ্যমন্ত্ৰী অৰবিন্দ কেজৰিৱাল সাংবাদিকৰ সৈতে বাৰ্তালাপ কৰি কয় যে "ভগৱন্ত মানে আজি এক নতুন যাত্ৰা আৰম্ভ কৰিছে, মই তেওঁক বিবাহিত জীৱনৰ শুভেচ্ছা জনাইছো"। উল্লেখ্য যে দৰা ভগৱন্তৰ পিতৃৰ ৰীতি-নীতি অৰবিন্দ কেজৰিৱালে সম্পন্ন কৰে।