বি. বৰুৱাৰ চোতালত ‘ফাগুন এট দ্য কোৰ্টয়াৰ্ড’; কবিতাৰে প্ৰাণ পাই উঠিল কলেজ বাকৰি

ডিজিটেল ডেস্ক: বি. বৰুৱা কলেজ প্ৰাংগনত ১৪ মাৰ্চত বিগত বৰ্ষবোৰৰ দৰে এইবাৰো ইংৰাজী বিভাগৰ উদ্যোগত উদযাপিত হয় ‘ফাগুন এট দ্য কোৰ্টয়াৰ্ড’ৰ তৃতীয় অধ্যায়। বিভিন্ন বিভাগৰ শিক্ষাৰ্থী আৰু শিক্ষকে অসমীয়া, ইংৰাজী, হিন্দী আৰু বাংলা ভাষাত সৰ্বমুঠ ৩০টা স্বৰিচত কবিতা পাঠ কৰা অনুষ্ঠানটোৰ আঁত ধৰে ইংৰাজী বিভাগৰ সহকাৰী অধ্যাপক জিণ্টু হাজৰিকাই। একে বিভাগৰ মুৰব্বী অধ্যাপক ড° অভিজ্ঞান প্ৰসাদে শুভাৰম্ভ কৰা অনুষ্ঠানটোত কলেজৰ অধ্যক্ষ ড° সত্যেন্দ্রনাথ বৰ্মনে জিণ্টু হাজৰিকা সম্পাদিত এখনি কবিতাৰ ক্ষুদ্ৰ সংকলন উন্মোচন কৰি শিক্ষাৰ্থীসকলৰ কাব্যচৰ্চাক উৎসাহিত কৰে। পাঠ কৰা কবিতাসমূহৰ সন্দৰ্ভত সমালোচনাত্মক মন্তব্য আগবঢ়ায়- স্নিগ্ধা ডেকা, কৌশিক হাজৰিকা, ড° নিজৰা গোস্বামী, ড° সুমনা দাস, ড° মানবেন্দ্র শৰ্মা, ড° কবিতা চিৰিং আৰু নম্ৰতা শৰ্মাই। অনুষ্ঠানত কবিসকলৰ লগত ৰসাল মত বিনিময়েৰে নিজৰ কবিতা পাঠ কৰে কবি ড° বিপুলজ্যোতি শইকীয়া আৰু লেখক তথা প্ৰশাসনিক বিষয়া প্ৰশান্ত সাগৰ চাংমায়ে৷