ডিজিটেল ডেস্ক: দেশৰ ভিতৰত তিনিখন বিৰোধীশাসিত ৰাজ্যত পেট্ৰ’ল-ডিজেলৰ দাম সৰ্বাধিক৷
অন্ধ্ৰ প্ৰদেশ, তেলেংগানা আৰু কেৰালাত পেট্ৰ’ল আৰু ডিজেলৰ দাম আটাইতকৈ ব্যয়বহুল বুলি দেওবাৰে পিটিআইয়ে এটা তথ্য প্ৰকাশ কৰিছে। আন্দামান আৰু নিকোবৰ দ্বীপপুঞ্জ, দিল্লী আৰু উত্তৰ-পূৰ্বাঞ্চলৰ ৰাজ্যসমূহত ইন্ধনৰ দাম আটাইতকৈ সুলভ বুলি তথ্যই দেখুৱাইছে।
ইণ্ডিয়ান অইল কৰ্পোৰেচন, ভাৰত পেট্ৰ’লিয়াম কৰ্পোৰেচন লিমিটেড আৰু হিন্দুস্তান পেট্ৰ’লিয়াম কৰ্পোৰেচন লিমিটেড- তিনিটা ইন্ধন ৰিটেইলাৰে যোৱা সপ্তাহত পেট্ৰ’ল আৰু ডিজেলৰ দাম প্ৰতি লিটাৰত দুটকাকৈ হ্ৰাস কৰিছিল।
দাম হ্ৰাসৰ ফলত সাধাৰণ নাগৰিকসকলৰ বাবে কিছু সকাহ পোৱা গৈছিল৷ কিন্তু উচ্চ মূল্য সংযোজন কৰ (ভেট)ৰ বাবে হাৰ প্ৰতি লিটাৰত দাম ১০০ টকাৰ ওপৰত হৈ আছে।
অন্ধ্ৰত পেট্ৰ’ল, ডিজেল আটাইতকৈ ব্যয়বহুল:
ৱাইএছ জগন মোহন ৰেড্ডী নেতৃত্বাধীন ৱাইএছআৰচিপি চৰকাৰৰ দ্বাৰা শাসিত অন্ধ্ৰ প্ৰদেশত প্ৰতি লিটাৰ পেট্ৰ’লৰ দাম ১০৯.৮৭ টকা৷ বাঁওশাসিত কেৰালা প্ৰতি লিটাৰত ১০৭.৫৪ টকা দামেৰে দ্বিতীয় স্থানত আছে। তেলেংগানা এতিয়া কংগ্ৰেছৰ শাসনত৷ তাত প্ৰতি লিটাৰ পেট্ৰ’লৰ দাম ১০৭.৩৯ টকা৷
তিৰুৱনন্তপুৰমত প্ৰতি লিটাৰত ৯৬.৪১ টকাকৈ ডিজেল বিক্ৰী কৰা হৈছে আৰু হায়দৰাবাদত প্ৰতি লিটাৰত ৯৫.৬৩ টকাকৈ৷
বিজেপি শাসিত ৰাজ্যসমূহত পেট্ৰ’লৰ দাম কিমান?
বিজেপি ৰাজ্যসমূহৰ ভিতৰত, ৰাজস্থানৰ ৰাজধানী জয়পুৰত পেট্ৰ’লৰ দাম প্ৰতি লিটাৰত ১০৪.৮৬ টকা৷ ভূপালত পেট্ৰ’ল প্ৰতি লিটাৰত ১০৬.৪৫ টকাত বিক্ৰী হয়৷ আনহাতে প্ৰতি লিটাৰত ১০৫.১৬ টকা হৈছে বিহাৰৰ ৰাজধানী পাটনাত পেট্ৰ’লৰ দাম, যি বৰ্তমান বিজেপি-জনতা দল (ইউ) মিত্ৰজোঁটৰ দ্বাৰা শাসিত। ছত্তীশগড়ত, পেট্ৰ’লৰ দাম প্ৰতি লিটাৰত ১০০.৩৭ টকা৷
গোৱাৰ ৰাজধানী পানাজীত পেট্ৰ'লৰ দাম ৯৫.১৯ টকা আৰু অসমৰ গুৱাহাটীত প্ৰতি লিটাৰত দাম ৯৬.১২ টকা৷ পশ্চিম বংগত পেট্ৰ'লৰ দাম প্ৰতিলিটাৰত ১০৩.৯৩ টকা। ওড়িশাত (ভুবনেশ্বৰত ১০১.০৪ প্ৰতি লিটাৰ), আৰু তামিলনাডুত (চেন্নাইত ১০০.৭৩ টকা) পেট্ৰ’লৰ দাম৷
আন্দামান আৰু নিকোবৰ দ্বীপত পেট্ৰ'ল আটাইতকৈ সুলভ, য'ত প্ৰতি লিটাৰ ৮২ টকাত বিক্ৰী হয়৷ তাৰ পাছত আছে চিলভাচা আৰু দমন য'ত ই প্ৰতি লিটাৰ পেট্ৰ'লৰ দাম ৯২.৩৮-৯২.৪৯ টকা৷ দিল্লীত পেট্ৰ'ল প্ৰতি লিটাৰ ৯৪.৭৬ টকাত বিক্ৰী কৰা হৈছে।
Continue Reading
