ডিজিটেল ডেস্কঃ ভাৰতীয় ক্ৰিকেট দলৰ তাৰকা খেলুৱৈ তথা প্ৰাক্তন অধিনায়ক বিৰাট কোহলিয়ে এতিয়া খেলৰ সমান্তৰালভাৱে ব্যৱসায়তো হাত উজান দিবলৈ সাজু হৈছে। আচলতে বিৰাটে এখন ৰেষ্টুৰেণ্ট খোলাৰ পৰিকল্পনা কৰিছে, যাৰ বাবে তেওঁ প্ৰস্তুতিও আৰম্ভ কৰিছে। নিজাকৈ ৰেষ্টুৰেণ্ট এখন খোলাৰ দিশে আগবাঢ়িছে বিৰাট কোহলী। ইয়াৰ বাবে তেওঁ স্থানো নিৰ্বাচন কৰিছে। বিৰাট কোহলীয়ে বলীউডৰ প্ৰখ্যাত অভিনেতা-গায়ক প্ৰয়াত কিশোৰ কুমাৰৰ বাংলোটো ৰেষ্টুৰেণ্ট খোলাৰ বাবে নিৰ্বাচন কৰিছে। অতি সোনকালেই ক্ৰিকেটাৰ বিৰাট কোহলীয়ে মুম্বাইৰ জুহুৰ কিশোৰ কুমাৰৰ বাংলোত নিজাকৈ ৰেষ্টুৰেণ্ট আৰম্ভ কৰিবলৈ আগবাঢ়িছে।
বিগত কেইবাদিন ধৰি দুৰ্বল ফৰ্মৰ সৈতে যুঁজি থকা বিৰাটে অধিনায়কত্ব এৰি নিজৰ খেলত মনোনিৱেশ কৰিবলৈ আৰম্ভ কৰিছে। ইয়াৰ ফলত এছিয়া কাপত ভাৰতৰ হৈ ভাল প্ৰদৰ্শন কৰিছে বিৰাটে। তেওঁ উভতি অহাত সমগ্ৰ দেশ সুখী হৈ থকাৰ সময়তে এতিয়া খবৰ আহি আছে যে বিৰাটে অতি সোনকালে ৰেষ্টুৰেণ্টৰ জৰিয়তে মানুহৰ সৈতে সংযোগ স্থাপন কৰিবলৈ গৈ আছে আৰু ক্ৰিকেটাৰজনেও এই কামৰ বাবে বহুত উৎসাহী হৈ পৰিছে। খবৰ অনুসৰি, ক্ৰিকেটাৰ বিৰাট কোহলীয়ে কিশোৰ কুমাৰৰ জুহু বাংলোৰ এটা ডাঙৰ অংশ ৫ বছৰৰ বাবে লিজত লৈছে আৰু ইয়াক দ্ৰুতগতিত উচ্চমানৰ ৰেষ্টুৰেণ্টলৈ ৰূপান্তৰিত কৰি আছে। কিশোৰ কুমাৰৰ বাংলোৰ চৌহদত দৈনিক কাম চলি আছে।
শীঘ্ৰেই আৰম্ভ হ’ব বিৰাট কোহলীৰ এই ৰেষ্টুৰেণ্ট। জানিব পৰা অনুসৰি অহা মাহৰ কোনোবা এটা দিনত বিৰাট কোহলীয়ে এই ৰেষ্টুৰেণ্টখন মুকলি কৰিব। এই খবৰসমূহ সত্য বুলিয়েই পোহৰলৈ আহিছে। কিশোৰ কুমাৰৰ পুত্ৰ অমিত কুমাৰে কয় যে ''এই সকলোবোৰ তেতিয়া আৰম্ভ হৈছিল যেতিয়া কেইমাহমান আগতে লীনা চন্দাৱৰকাৰৰ পুত্ৰ সুমিতে বিৰাট কোহলীক লগ পাইছিল আৰু দুয়োজনে কথা পাতিছিল। আমি ৫ বছৰৰ বাবে বিৰাট কোহলীক সেই স্থান লিজত দিছো।''
উল্লেখ্য যে এইখন বিৰাটৰ প্ৰথম ৰেষ্টুৰেণ্ট নহয়। ইয়াৰ পূৰ্বে তেওঁ বহু ৰেষ্টুৰেণ্টো খুলিছে। লগতে ২০১৭ চনত দিল্লীৰ আৰ কে পুৰমত এখন ৰেষ্টুৰেণ্ট খুলিছিল ক্ৰিকেটাৰগৰাকীয়ে। ইয়াৰ লগতে বিৰাটৰ নিজা কাপোৰৰ কোম্পানীও আছে, যাৰ নাম 'Wrogn.'
Continue Reading
