ডিজিটেল ডেস্ক
ভাৰতৰ আন ঠাইৰ তুলনাত কলকাতাত অধিক উলহ-মালহেৰে উদযাপন কৰা হয় দুৰ্গা পূজা৷
ধৰ্ম, লিংগ আৰু তথা অৰ্থনৈতিক ভেদাভেদ পাহৰি সকলো একত্ৰিত হৈ উদযাপন কৰাৰ বাবে কলকাতাৰ দূৰ্গা পূজাই সকলোৰে প্ৰশংসা লাভ কৰিবলৈ সক্ষম হৈছে৷
দূৰ্গা পূজা হৈছে ধৰ্ম আৰু কলাৰ সাৰ্বজনীন একত্ৰীকৰণ ক্ষেত্ৰত সৰ্বশ্ৰেষ্ঠ উদাহৰণ ৷
এই উৎসৱ নগৰ অঞ্চলত বৃহৎ পৰিমাণে উদযাপন কৰা হয় আৰু দেৱীক পৰম্পৰাগত ঢক বজাই উপাসনা কৰা হয়। উৎসৱৰ সময়ছোৱাত সকলো শ্ৰেণী, ধৰ্ম আৰু জাতিগত বিভাজন পাহৰি পূজা থলীত সমাগত হয় যথেষ্ট সংখ্যক দৰ্শনাৰ্থী৷ এই গোটেই প্ৰক্ৰিয়াটোক ইউনেস্ক’য়ে যথেষ্ট প্ৰশংসা কৰিছে আৰু কলকাতাৰ পূজায়ে লাভ কৰিছে বিশ্ব ঐতিহ্যৰ এক বিশেষ স্বীকৃতি প্ৰদান কৰিছে ইউনেস্কোয়ে৷
শেষবাৰৰ বাবে ২০১৭ চনত কুম্ভ মেলাক বিশ্ব ঐতিহ্য হিচাপে স্বীকৃতি দিয়া হৈছিল। আৰু ইয়াৰ পূৰ্বে ২০১৬ চনত ভাৰতীয় উৎসৱৰ দ্বাৰা ২০১৬ চনত যোগক স্বীকৃতি দিয়া হৈছিল।
পশ্চিম বংগৰ পুৰুলিয়া জিলাৰ ছৌ লোক নৃত্যই ২০১০ চনত এই স্বীকৃতি লাভ কৰিছিল। একে সময়তে, কেৰালাত মুদিয়াট্টু লোক নৃত্য আৰু ৰাজস্থানৰ কালবেলীত লোকগীতকো স্বীকৃতি দিয়া হৈছিল। ইয়াৰ উপৰিও, কুটিয়াটম সংস্কৃত থিয়েটাৰ, ৰামলীলা, বৈদিক জপ আৰু লাডাখৰ বৌদ্ধ নাম জপ কৰাৰ পৰম্পৰায়েও এই স্বীকৃতি লাভ কৰিছে।
ছেপ্টেম্বৰত পশ্চিম বংগৰ পৰ্যটন বিভাগে কেন্দ্ৰীয় সংস্কৃতি মন্ত্ৰালয়লৈ এটা প্ৰস্তাৱ প্ৰেৰণ কৰিছিল। পিছত, কেন্দ্ৰই ৰাজ্যখনৰ প্ৰস্তাৱক সমৰ্থন কৰে আৰু বিষয়টো ইউনেস্ক’ৰ ওচৰত উপস্থাপন কৰা হয়।যোৱা কালি ইউনেস্ক’য়ে কলকাতাৰ দূৰ্গা পূজাক এই স্বীকৃতি প্ৰদান কৰে৷ হেপাঁহৰ দূগা পূজালৈ মাত্ৰ কেইদিনমান থাকোঁতে লাভ কৰা এনে স্বীকৃতৰ বাবে উৎফুল্লিত হৈ পৰিছে সমগ্ৰ কলকাতা৷ ইউনেস্ক’ক ধন্যবাদ জনাই বহু সাংস্কৃতিক শোভাযাত্ৰা আয়োজন কৰিছে কলকাতাবাসীয়ে ৷
Continue Reading
