বিগ বছৰ খিতাপ নহয় প্ৰতীকে লাভ কৰিলে ভাইজানৰ এটি বিশেষ উপহাৰ! কি সেই উপহাৰটো?

ডিজিটেল ডেস্ক : বিগ বছ ১৫ৰ খিতাপ অৰ্জন কৰিব পৰা নাছিল প্ৰতীক ছেহেজপালে৷ কিন্তু তেওঁ লাভ কৰা এটি বিশেষ উপহাৰে দৃষ্টি আকৰ্ষণ কৰিছিল সকলোৰে৷ আকৰ্ষণীয় হৈ পৰিছিল বিগ বছ ছিজন ১৫ৰ গ্ৰেণ্ড ফিনালে । বিজয়ী ঘোষণা কৰাৰ সময়ত, আয়োজক ছলমান খানে সকলোকে ইমান বিভ্ৰান্ত কৰি তুলিছিল যে শেষলৈকে প্ৰতিযোগিতাখনৰ বিজয়ী কোন হ'ব তাৰ উৎকণ্ঠা অন্ত পৰা নাছিল। উৎকণ্ঠাৰ অন্তত ছলমানে দুগৰাকী শ্ৰেষ্ঠ প্ৰতিযোগীৰ নাম ঘোষণা কৰিছিল৷ তেওঁলোক দুয়ো হৈছে, প্ৰতীক ছেহেজপাল আৰু তেজস্বী প্ৰকাশ৷ দৰ্শকৰ বিচাৰৰ দুগৰাকী শ্ৰেষ্ঠ প্ৰতিযোগী হিচাপে বাছনি কৰিছিল। বিগ বছৰ সদস্যসকলৰ অন্তৰ জিনিবলৈ সক্ষম হৈছিল প্ৰতীক; কিন্তু শেষত বিগ বছ ছিজন ১৫ৰ ট্ৰফীটো আজুৰি নিছিল তেজস্বী প্ৰকাশে। নামটো ঘোষণা কৰাৰ পাছত, উপস্থিত দৰ্শকৰ মাজত তেনে কোনো উত্তেজনা নাছিল। আনকি ছ'চিয়েল মিডিয়াতো বহুলোকে হতাশা ব্যক্ত কৰিছিল। প্ৰতীকৰ নামত নহ'ল বিগ বছৰ বিজয়ৰ মুকুট ৷ সামাজিক মাধ্যমত এই বিতৰ্কই ধুমুহাৰ সৃষ্টি কৰিছিল। বহুলোকে তেওঁৰ সমৰ্থনত টুইটো কৰিছিল। তেওঁৰ অনুৰাগীসকলৰ সৈতে, কেইবাজনো চেলিবটিও প্ৰতীকটোৰ বাবে থিয় হৈছিল। ছ'চিয়েল মিডিয়াত প্ৰতীকে সকলোকে ধন্যবাদ জনাইছে। অৱশ্যে, বিগ বছত আজুৰি অনা নাছিল বিজয়ৰ খিতাপ৷ তৎস্বত্বেও তেওঁ এই প্ৰতিযোগিতাৰ পৰা খালী হাতেৰে উভতি অহা নাছিল। বিগ বছৰ সমাপ্তিৰ পাছত হোষ্ট ছলমান খানে প্ৰতিযোগীসকলৰ বাবে এটা পাৰ্টীৰ আয়োজন কৰিছিল। ছলমানৰ সৈতে পাৰ্টীৰ পাছত, ছলমান খানে প্ৰতীকক তেওঁৰ এটি টি-চাৰ্ট উপহাৰ কৰিছিল। প্ৰতীকৰ মতে এইটো তেওঁৰ বাবে আছিল এক অমূল্য উপহাৰ। অৱশ্যে, ছলমান খানে কেৱল প্ৰতীকক তেওঁৰ টি-চাৰ্ট উপহাৰ দিয়া নাছিল। তেওঁক কেৰিয়াৰ গঢ়িবলৈ কিছুমান গুৰুত্বপূৰ্ণ পৰামৰ্শও দিছিল। প্ৰতীকে কয়, 'তেওঁ মোক কৈছিল যে শৰীৰ চৰ্চাৰ উপৰি আন বহুতো বিষয়ত গুৰুত্ব দিয়াটো আৱশ্যক। মই মোৰ জীৱনত যি প্ৰয়োজন সেয়া পাবলৈ বহু কষ্ট কৰিব লাগিব। ভাইজান মোৰ বাবে অনুপ্ৰেৰণা।'