খিলাড়ী কুমাৰে শিল্পা, ৰবীনাক কিয় প্ৰতাৰণা কৰিছিল? অক্ষয়ৰ আনুগত্য নাই বুলি কোন অভিনেত্ৰীয়ে গৰজি উঠিছ

ডিজিটেল ডেস্কঃ ৯০ৰ দশকৰ চৰ্চিত অভিনেত্ৰী ৰবীনা টেণ্ডন আৰু অক্ষয় কুমাৰৰ সম্পৰ্কৰ বিষয়ে সকলোৱে অৱগত। দুই তাৰকাক কেন্দ্ৰ কৰি বিভিন্ন সময়ত নানা আলোচনাই চুই গৈছেহি বলীউডৰ মঞ্চ। এটা সাক্ষাৎকাৰত জনপ্ৰিয় অভিনেত্ৰী ৰবীনা টেণ্ডনে অক্ষয়ৰ বিৰুদ্ধে আনিছিল কেতবোৰ অভিযোগ। তেওঁ কৈছিল যে, ‘অক্ষয়ে এসময়ত ৩জনী অভিনেত্ৰীৰ সৈতে ডেট কৰিছিল। তেওঁ মোক বিয়া কৰোৱাৰ প্ৰতিশ্ৰুতিও দিছিল। কিন্তু অক্ষয়ৰ সম্পৰ্কৰ বিষয়ে জনাৰ পাছত কথাবোৰে মোৰ উদ্বিগ্ন কৰি তুলিছিল আৰু অক্ষয়ৰ সৈতে নথকাৰে সিদ্ধান্ত লৈছিলো।’ স্মৰ্তব্য যে, অক্ষয় কুমাৰ আৰু ৰবীনা টেণ্ডনে ৯০ ৰ দশকত একেলগে কেইবাখনো চলচ্চিত্ৰত কাম কৰিছিল। তেওঁলোক অভিনীত 'মোহৰা' ছবিখন ১৯৯৪ চনত মুক্তি পাইছিল। এই ছবিখনত অভিনয়ৰ পাছতে দুয়োৰে মাজৰ ঘনিষ্ঠতা ক্ৰমান্বয়ে বাঢ়ি আহিছিল। দুয়ো বিবাহ পাশত আৱদ্ধ হোৱাৰো গুঞ্জন উঠিছিল কিন্তু অক্ষয় কুমাৰৰ আচৰণৰ বাবে চৰম অস্বস্তিত পৰিছিল ৰবীনা টেণ্ডন। ৰবীনা টেণ্ডনে অক্ষয় কুমাৰৰ সৈতে সম্পৰ্কত থকাৰ সময়ত প্ৰথমবাৰৰ বাবে অক্ষয়ক চুম্বন কৰিছিল, অৱশ্যে পিছলৈ তেওঁলোকে শোৱনি কোঠাত একেলগে থকাৰ উৰা বাতৰিও ওলোৱা দেখা গৈছিল। ৰবীনাই এটা সাক্ষাৎকাৰত কৈছিল যে, ‘অক্ষয়ে শিল্পা ছেট্টীকো ভাল পাইছিল। একেটা সময়তে মোৰ সৈতেও সম্পৰ্ক বজাই ৰাখিছিল। অক্ষয়ে শিল্পাক প্ৰতাৰণা কৰিছিল। শিল্পাৰ বন্ধুবৰ্গই পূৰ্বেও তেওঁক অক্ষয়ৰ পৰা আঁতৰি থাকিবলৈ কৈছিল। কিন্তু শিল্পাই তেওঁলোকৰ কথা নুশুনিলে।’ অক্ষয়ৰ ওপৰত ৰবীনা ইমান ক্ৰোধিত হৈছিল যে, তেওঁ সংবাদ মাধ্যমৰ আগত ‘খিলাড়ী কুমাৰ’ৰ প্ৰতিগৰাকী ধুনীয়া ছোৱালীক প্ৰস্তাৱ দিয়াৰ অভ্যাস আছে বুলিও কৈছিল। মুম্বাইৰ ৭৫% ছোৱালীৰ অভিভাৱকক মা-দেউতা জ্ঞান কৰা অক্ষয়ৰ বিৰুদ্ধে এখন ফেশ্বন আলোচনীক দিয়া এটা সাক্ষাৎকাৰত ৰবীনাই কয়, ‘অক্ষয়ৰ সকলো আছে, কেৱল আনুগত্য নাই।’ মন কৰিবলগীয়া যে, ৰবীনাৰ এনে সাক্ষাৎকাৰৰ বাবে অক্ষয়ৰ সৈতে তেওঁলোকৰ সম্পৰ্কৰ ফাট মেলিছিল। দীৰ্ঘদিনীয়া সম্পৰ্কৰ পৰা দুয়ো দুয়োকে আঁতৰাই আনিছিল। স্বাভাৱকিতে, মিষ্টাৰ খিলাড়ীৰ বিষয়ে এইদৰে মুকলিকৈ কোৱা বাবে ৰবীনা টেণ্ডনে সমালোচনাৰমুখত পৰিছিল। অক্ষয়ৰ অনুৰাগীয়ে নানা কটু বাক্যৰে থকা সৰকা কৰিছিল অভিনেত্ৰীগৰাকীক। তথাপি সকলো কথাক একাষৰীয়া কৰি, কেইবছৰমান পাছতে, অক্ষয় কুমাৰে ৰাজেশ খান্নাৰ দুহিতা তথা অভিনেত্ৰী টুইঙ্কল খান্নাৰ সৈতে বিবাহ পাশত আৱদ্ধ হয়। আনহাতে, ৰবীনা টেণ্ডনে ব্যৱসায়ী অনিল থাদানীৰ সৈতে বিবাহ পাশত আৱদ্ধ হৈছিল।