‘বিগ বছ’ত ৰচনা হৈছিল ৰাখীৰ বিবাহৰ নাটক! কিন্তু কিয় স্বামী ৰীতেশৰ ভৰিত ধৰি কান্দিলে ৰাখীয়ে?

ডিজিটেল ডেস্ক : 'মোক ট্ৰ'ল কৰা হৈছে, এয়া মই সহ্য কৰিব পৰা নাই' দুদিন পূৰ্বে ঘোষিত হৈছিল ৰাখী সাৱন্তৰ বিবাহ বিচ্ছেদৰ খবৰ৷ ভেলেণ্টাইন ডে'ৰ ঠিক এদিন আগতে দেওবাৰে নিশা ৰাখী সাৱন্তে ঘোষণা কৰিছিল এই খবৰ৷ তাৰপাছতে ৰাখীৰ অনুৰাগীৰ মাজত সৃষ্টি হৈছিল ভিন্ন প্ৰতিক্ৰিয়াৰ৷ কিছুমানৰ অভিযোগ, বিগ বছৰ বাবে এজন দৰা নিয়োগ কৰিছিল ৰাখীয়ে। যাৰ বাবে ‘বিগ বছ’ শেষ হোৱাৰ লগে লগে ৰীতেশৰ সৈতে বিবাহ বিচ্ছেদৰ নাটক ৰচে তেওঁ। কিন্তু এই অভিযোগক নস্যাৎ কৰি ৰাখীয়ে কয়, 'এয়া সম্পূৰ্ণ মিছা, ৰীতেশে হঠাতে এই সম্পৰ্কৰ পৰা নিজকে আঁতৰাই নিছে।' উল্লেখ্য যে, ৰাখীৰ ভাষ্য অনুসৰি, ৰিতেশৰ আন এগৰাকী পত্নী আছে৷ ৰাখী আৰু ৰীতেশৰ বিবাহৰ পূৰ্বেই পত্নীগৰাকীৰ লগত বিবাহ বিচ্ছেদৰ বাবে আবেদনো কৰিছিল ৰীতেশে৷ আনকি তেওঁৰ পত্নী আৰু কন্যাই পৃথকে বাস কৰি আহিছে। কিন্তু সাম্প্ৰতিক সময়ত, তেওঁৰ আগৰ পত্নীয়ে ৰীতেশক বিবাহ বিচ্ছেদ দিব নিবিচাৰে। সেইকাৰণে ৰীতেশক এৰিবলৈ বাধ্য কৰা হৈছে ৰাখী। অৱশ্যে, ৰাখীৰ মতে, তেওঁৰ স্বামীয়ে হয়তো বহু আগতে এৰি গৈছিল। কিন্তু বিগ বছৰ চুক্তি অনুসৰি, ৰীতেশে বিগ বছৰ ফাইনেলত একেলগে উপস্থিত নহ'লে ২ কোটি টকাৰ ক্ষতিপূৰণ পৰিশোধ কৰিব লগা লাগিলহেঁতেন। সেইকাৰণে ৰীতেশ ইমান দিন ধৰি ৰাখীৰ সৈতে আছিল। ৰাখীয়ে লগতে কয় যে, মই ৰীতেশৰ পৰা এটা সন্তান বিচাৰিছিলোঁ। কেতিয়াও বিচৰা নাছিল যে ৰীতেশে তেওঁক এৰি যাওক। ৰাখীয়ে আনকি ৰীতেশৰ ভৰি ধৰিও কান্দিছিল। কিন্তু দেওবাৰে, ৰাখীৰ স্বামীয়ে ৰাখীক এৰি গুছি যায়। দেওবাৰে সন্ধিয়া, ৰাখীয়ে ইনষ্টাগ্ৰাম হেণ্ডলত বিবাহ বিচ্ছেদৰ বাতৰিটো শ্বেয়াৰ কৰে। তেওঁ লিখিছে, 'ৰীতেশ আৰু মই পৃথক হোৱাৰ সিদ্ধান্ত লৈছোঁ। ‘বিগবছ’ৰ পাছত, বহুতো ঘটনা ঘটিছিল যিবোৰ মোৰ নিয়ন্ত্ৰণৰ বাহিৰত। আমি নিজৰ মাজৰ দূৰত্ব দূৰ কৰিবলৈ বহুত চেষ্টা কৰিছোঁ। কিন্তু মই ভাবিছিলোঁ যে আমাৰ পৃথক হোৱাৰ সঠিক সিদ্ধান্ত। আমি আমাৰ জীৱনটো পৃথক হোৱাতকৈ বেছি উপভোগ কৰিম। ভেলেণ্টাইন ডে'ৰ আগতে মোৰ হৃদয় ভাঙি গৈছিল। মই দুঃখিত। কিন্তু মই এই সিদ্ধান্ত ল'বলৈ বাধ্য হৈছিলোঁ। ৰীতেশে জীৱনত উন্নতি কৰক। মই এই মুহূৰ্তত কামত মনোনিৱেশ কৰিব বিচাৰোঁ। মই নিজকে সুখী ৰাখিব বিচাৰোঁ। মোক বুজি পোৱা আৰু সমৰ্থন কৰাৰ বাবে আপোনাক ধন্যবাদ।'